Aýdandaǵy osy iri investitsiialyq jobaǵa 19 mlrd teńgeden astam jeke qarjy investitsiiasy tartylǵan. Jalpy biylǵy jyly oblysta jiyntyq qýaty 23,5 MVt bolatyn taǵy 3 GES paidalanýǵa beriledi.
Qazirgi kezde óńirde jańartylǵan energiia kózderiniń 14 nysany bar, olardyń jalpy qýaty – 160 MVt quraidy.
Sarqan aýdany ákimdiginiń málimetine qaraǵanda, Lepsi aýyldyq okrýgindegi jel elektr stansysynyń kezeń-kezeńimen júrgizilgen qurylys jumystary 2019 jyly bastalǵan edi.
Ásirese nysannyń ornalasatyn jerine erekshe nazar aýdaryldy. Jazyq alqap – jeldiń jyldyq ortasha jyldamdyǵy úshin taptyrmas jer, sondyqtan onda jyl boiy elektr energiiasyn óndirýge bolady.
Nysannyń qurylys-montajdaý jumystary 2022 jyldyń qarasha aiynda tolyq aiaqtalǵan. Sol kezden bergi JES-te óndirilgen elektr qýaty 23,767 myń KVt/saǵatqa jetti.
Jalpy «ENEVERSE KUNKUAT» JShS iske asyrǵan joba aiasynda 16 jel qondyrǵysy ornatylǵan. Jel machtynyń biiktigi – 100 metr, qalaqshasynyń kólemi – 70 metr. Árbir qurylǵy shamamen 3,2 MVt elektr energiiasyn óndire alady. Jalpy qýaty – 50 MVt.
Atap ótsek, Sarqan aýdanynda «jasyl» energetikany damytý baǵytynda aýqymdy jumystar júrgizilip jatyr. Aýdanda iske qosý josparlanǵan 5 sý elektr stansysynyń búgingi kúni 3-eýi tabysty jumys istep tur. Qalǵan 2-eýiniń qurylysy biyl aiaqtalyp, iske qosylady.
Atap aitqanda, «Baskan Power» JShS-nyń jalpy qýaty - 14,9 Mvt bolatyn, quny 11,7 mlrd. teńgelik, 24 jumys orny qurylatyn Joǵarǵy Basqan GES-2 jáne 3 jobasy. Oǵan qosa Kerbulaq aýdanynda qýaty 8,6 MVt, quny 6,3 teńgelik Kóktal GES-1 jobasy da bar.
Oblystyq energetika jáne TÚKSh basqarmasynyń málimetine qaraǵanda, 2021-2025 jyldar aralyǵynda Jetisý oblysynda jalpy qýattylyǵy 236,7MVt bolatyn 13 jańartylǵan energiia kózi nysanyn iske qosy josparlanǵan. (GES – 10, JES – 2, KES – 1). Sonyń 3-eýi búgingi kúni paidalanýǵa berilgen, taǵy úsheýi biyl qoldanysqa beriledi, jalpy qýaty 132,5 MVt qalǵan 7 nysan 2025 jylǵa deiin iske qosylýy tiis.
Jalpy Jetisý oblysynyń ózinde óndiriletin elektr energiiasynyń kólemi 479,2 mln. kVt/saǵatty qurasa, ondaǵy jańartylǵan elektr energiiasy kózderiniń úlesi 340,6 mln. kVt/saǵat bolyp otyr.
