Jetisý oblysynda «Jumysshy mamandyqtar: jańa kezeń, jańa múmkindikter» atty taqyrypta forým ótip, oǵan jumys berýshi kásiporyndar, bilim berý mekemeleriniń ókilderi, stýdentter – jalpy sany 150-den astam adam qatysty. Forým aiasynda óńirdegi kolledjder men irgeli kásiporyndar arasynda 10 memorandým jasaldy,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Atalǵan memorandým óz kezeginde tehnikalyq kolledj stýdentteriniń tájiribeden ótýine jáne bitirýshilerdiń jumysqa ornalasýyna múmkindik beredi. Kelisim jasalǵan kásiporyndardyń arasynda «Qainar AKB» akkýmýliator zaýyty, «Aqsý Qant» JShS, «JLC Sút» JShS, «Jarkent krahmal-sirne zaýyty» JShS, «Kazsýshar» RMK Jetisý filialy t.b. bar.
Forýmǵa qatysýshylardy quttyqtaǵan oblys ákiminiń orynbasary Marlen Kólbaev óńirde jastardy jumysshy mamandyqtaryna tartýǵa jáne qajetti kásipterge daiarlaýǵa baǵyttalǵan jumystarǵa qysqasha toqtaldy. Osy mańyzdy mindetterdi áleýmettik seriktestermen birlesip atqarýdaǵy josparlaryn da atap ótip, birlesip jasalǵan jumystyń nátijeli bolatynyn jetkizdi.
Munan soń birqatar spikerler bilikti jumysshy kadrlardy daiarlaýdyń negizgi máseleleri jaily sóz qozǵady. Sonymen qatar stýdentter Dmitrii Sýnchinianov pen Shyryn Bolatbekqyzy halyqaralyq standarttardyń bilim berý úderisine integratsiialanýy týraly ózderiniń tájiribelik baqylaýlary jaily aitty.
Forým barysynda kolledj túlekterine olardyń kásibi biliktiligin rastaityn jáne jumysqa ornalasýda basym quqyq beretin «Altyn karta» tapsyrý rásimi atqaryldy. Bul rette Tekeli kásiptik kolledjiniń «dánekerleýshi», Sarqan politehnikalyq kolledjiniń «Elektr jabdyqtary», Bastóbe kolledjiniń «Aspaz» mamandyǵy boiynsha bitirgen jas mamandaryn qabyldaǵan jumys berýshiler qatarynda «KazMunaiGazPromStroiServis» JShS kásiporyndary, «IP Li A.D.», «TATEK» AQ bar.
Sonymen qatar is-shara barysynda «WorldSkills Kazakhstan 2024» respýblikalyq kásibi sheberlik chempionatynyń jeńimpazdary men júldegerleri marapattaldy.
Forýmda atap ótilgendei, bul is-shara bilim berý mekemeleri men biznes arasyndaǵy tiimdi bailanystardy nyǵaitýda mańyzdy qadam boldy, sondai-aq jastardyń bolashaǵy bar jumysshy mamandyqtaryn tańdaýyna qoldaý kórsetýge yqpal etedi.
Jalpy oblysta 27 kolledj bar, onda 13 900-den astam stýdent oqidy. 2024 jyly mamandardy daiarlaýǵa arnalǵan memlekettik tapsyrys 4250 oryn bolǵan, biýdjettik oryndardyń basym bóligi IT, qurylys, injeneriia, metallýrgiia siiaqty tehnikalyq mamandyqtarǵa tiesili. Bilim berý sapasyn arttyrý úshin ótken jyly óńirde 13 jańa mamandyq ashylsa, biyl 14 jańa mamandyq ashý kózdelgen. Bul qatarda óndiristiń avtomattandyrylǵan júieleri, mehatronika, sáýlettik jobalaý, orman jáne balyq sharýashylyǵy siiaqty mamandyqtar bar. Bul rette 2025 jyly oblystaǵy kolledjderge 4500 adamdy qabyldaý josparlanǵan.
Biyl «Jumysshy mamandyqtar jyly» aiasynda oblysta 70-ten astam is-shara ótedi, sonyń ishinde «ZhetysuFest», «WorldSkills Zhetysu 2025» jáne «AgroSkills-2024» chempionattary, sondai-aq stýdentterge arnalǵan kásibi konkýrstar uiymdastyrylady.
Sol siiaqty oblys ákiminiń qoldaýymen Taldyqorǵan joǵary politehnikalyq kolledjiniń bazasynda jumysshy mamandyqtar alańyna ainalatyn «Zhetysu Skills» ortalyǵy salynady.
