Búgin Jetisý oblysynda belgili jýrnalıs Beısen Quranbekti eske alýǵa arnalǵan fýtbol týrnıri bastaldy. Jyl saıyn jýrnalıserdiń basyn qosatyn mańyzdy sporttyq is-shara bıyl besinshi jyl qatarynan uıymdastyrylyp otyr, dep habarlaıdy Dalanews.kz.

Týrnırge Astana, Atyraý, Óskemen, Qyzylorda, Shymkent, Almaty jáne Taldyqorǵan qalalarynan segiz komanda qatysyp jatyr.

Uıymdastyrýshy, jýrnalıs Esbolat Aıdabosyn týrnırdiń mánin atap ótti.

“Bul týrnır jýrnalıser qaýymynyń bas qosýyna, kásibı baılanys ornatýyna múmkindik beredi. Komandalar bir-eki kún kúsh synasyp, tájirıbe almasady. Bıyl qatysýshylardyń daıyndyq deńgeıi de óte joǵary”, – dedi ol.

Onyń sózinshe, týrnırdiń júlde qory da eleýli.

“Birinshi oryn – 1 mıllıon teńge, ekinshi oryn – 700 myń teńge, úshinshi oryn – 500 myń, tórtinshi oryn – 200 myń teńge. Sondaı-aq Beısen Quranbektiń ustazdary Saıyn Tursynov pen Nurtóle Imanǵalıev atyndaǵy arnaıy júldeler bar jáne alty-jeti nomınasıa boıynsha syılyqtar qarastyrylǵan. Sonymen qatar “Qala men Dala”, “Jetisý” gazetteri jáne Jetisý telearnasynyń arnaıy syılyqtary beriledi”, — dedi Aıdabosyn.