بۇگىن جەتىسۋ وبلىسىندا بەلگىلى جۋرناليست بەيسەن قۇرانبەكتى ەسكە الۋعا ارنالعان فۋتبول ءتۋرنيرى باستالدى. جىل سايىن جۋرناليستەردىڭ باسىن قوساتىن ماڭىزدى سپورتتىق ءىس-شارا بيىل بەسىنشى جىل قاتارىنان ۇيىمداستىرىلىپ وتىر، دەپ حابارلايدى Dalanews.kz.
تۋرنيرگە استانا، اتىراۋ، وسكەمەن، قىزىلوردا، شىمكەنت، الماتى جانە تالدىقورعان قالالارىنان سەگىز كوماندا قاتىسىپ جاتىر.
ۇيىمداستىرۋشى، جۋرناليست ەسبولات ايدابوسىن ءتۋرنيردىڭ ءمانىن اتاپ ءوتتى.
“بۇل تۋرنير جۋرناليستەر قاۋىمىنىڭ باس قوسۋىنا، كاسىبي بايلانىس ورناتۋىنا مۇمكىندىك بەرەدى. كوماندالار بىر-ەكى كۇن كۇش سىناسىپ، تاجىريبە الماسادى. بيىل قاتىسۋشىلاردىڭ دايىندىق دەڭگەيى دە وتە جوعارى”، – دەدى ول.
ونىڭ سوزىنشە، ءتۋرنيردىڭ جۇلدە قورى دا ەلەۋلى.
“ءبىرىنشى ورىن – 1 ميلليون تەڭگە، ەكىنشى ورىن – 700 مىڭ تەڭگە، ءۇشىنشى ورىن – 500 مىڭ، ءتورتىنشى ورىن – 200 مىڭ تەڭگە. سونداي-اق بەيسەن قۇرانبەكتىڭ ۇستازدارى سايىن تۇرسىنوۆ پەن نۇرتولە يمانعالييەۆ اتىنداعى ارنايى جۇلدەلەر بار جانە التى-جەتى نوميناسيا بويىنشا سىيلىقتار قاراستىرىلعان. سونىمەن قاتار “قالا مەن دالا”، “جەتىسۋ” گازەتتەرى جانە جەتىسۋ تەلەارناسىنىڭ ارنايى سىيلىقتارى بەرىلەدى”، — دەدى ايدابوسىن.
