Jetisý oblysynda oblys ákiminiń birinshi orynbasary Álibek Jaqanbaevtyń tóraǵalyǵymen quqyq buzýshylyqtardyń aldyn alý jónindegi vedomstvoaralyq komissiianyń kezekten tys otyrysy ótti. Kún tártibinde óńirdegi jol-kólik oqiǵalaryna bailanysty jaǵdaidy turaqtandyrý jáne jol qozǵalysy qaýipsizdigin qamtamasyz etý máseleleri qaraldy,– dep habarlaidy Dalanews.kz
Oblystyq politsiia departamentiniń jergilikti politsiia qyzmeti basqarmasynyń bastyǵy Qaisar Muhmetov atalǵan baǵytta atqarylyp jatqan sharalar jaiynda baiandama jasady.
Jol apattarynyń negizgi sebepteri retinde jyldamdyqty arttyrý, manevr jasaý kezinde jol erejesin saqtamaý, jol belgilerine mán bermeý, qarsy qozǵalys jolaǵyna shyǵý, sondai-aq jaiaý júrginshiler tarapynan erejelerdiń buzylýy atap ótildi.
Atalǵan máselelerdi sheshý maqsatynda 10 sáýir men 6 mamyr aralyǵynda oblys aýmaǵynda respýblikalyq deńgeidegi "Qaýipsiz jol" jedel-profilaktikalyq is-sharasy ótkizilip jatyr. Is-sharanyń basty maqsaty – jol qozǵalysy erejelerin buzý faktileriniń aldyn alý jáne azamattardyń ómiri men densaýlyǵyn qorǵaý.
Komissiia otyrysynda qatysýshylar jastar arasynda aqparattyq-túsindirý jumystaryn kúsheitýdiń, jol qozǵalysy mádenietin qalyptastyrýdyń mańyzdylyǵyna toqtaldy. Sonymen qatar joldaǵy tártipti nyǵaitý, qoǵamdyq oryndarda tártip buzýshylyqtyń aldyn alý maqsatynda reidtik jáne profilaktikalyq sharalardyń sanyn kóbeitý qajettiligi aityldy.
Otyrystyń qorytyndysy boiynsha quzyrly organdarǵa baqylaýdy kúsheitý, aldyn alý jumystarynyń tiimdiligin arttyrý jáne jol qozǵalysy qaýipsizdigin qamtamasyz etý boiynsha naqty tapsyrmalar berildi.
