«Taza Qazaqstan» respýblıkalyq ekologıalyq baǵdarlamasy aıasynda Tekeli qalasynda jastardyń qatysýymen «GreenSteppe» atty ekologıalyq aksıasy ótti, dep habarlaıdy Dalanews.kz

İs-sharanyń maqsaty — ekologıalyq mádenıetti qalyptastyrý, qorshaǵan ortaǵa degen jaýapkershilikti arttyrý jáne jastardy ekologıalyq bastamalarǵa belsendi túrde tartý. Baǵdarlama aıasynda qalanyń týrıser jıi baratyn tabıǵı aýmaqtarynda qoqys ýaqyt-ýaqytymen jınalyp, negizgi demalys oryndary men marshrýttar qamtyldy. Aksıa barysynda josparly túrde birneshe aýmaqty tazalaýdy kózdelgen.

- Búgin biz mańyzdy ári maǵynaly sharada bas qosyp otyrmyz. «GreenSteppe» ekologıalyq aksıasy – bul tek tabıǵatty tazartý ǵana emes, sonymen qatar jastardyń ekologıalyq jaýapkershiligin qalyptastyrýǵa baǵyttalǵan bastama. Árbir belsendilik – bul Jetisýdyń ekologıalyq bolashaǵyna qosqan úles, - Jetisý oblysy Jastar resýrstyq ortalyǵy dırektorynyń orynbasary Arnaı Raqymberliuly.

Jyl basynan beri Jetisý oblysynda «Taza Qazaqstan» baǵdarlamasy aıasynda josparlanǵan barlyq is-sharalar belsendi túrde ótkizilýde. Jalpy senbilikter men ekologıalyq aksıalarǵa 17 myńnan astam adam qatysyp, 295 tehnıka jumyldyryldy, 1 209 tonna qoqys shyǵaryldy, 132 saıabaq pen skver tazartylyp, 17 myńnan astam qylqanjapyraqty jáne japyraqty aǵash kóshetteri otyrǵyzyldy.