Jetisý oblysynda kóktemgi egis jumystaryna daiyndyq jalǵasýda. Aýyl sharýashylyǵy daqyldarynyń egis alqaby 510 myń gektardan asady,- dep habarlaidy Dalanews.kz QR Aýyl sharýashylyǵy ministrligine silteme jasap.
Onyń ishinde dándi daqyldar 295,3 myń gektardy, maily daqyldar 89,7 myń gektardy, qant qyzylshasy 12,2 myń gektardy, kartop 6,8 myń gektardy, jemshóp daqyldary 97,3 myń gektardy quraidy.
Egis naýqanyn sátti ótkizý úshin jazdyq aýyl sharýashylyǵy daqyldarynyń 52,1 myń tonna tuqymy daiyndaldy. Tuqymdardy zerthanalyq tekserý jalǵasýda. Qant qyzylshasyn sebýge 17,4 myń tonna tuqym qajet, onyń negizgi kólemin Kóksý qant zaýyty men «Jetisý ÁKK» qamtamasyz etedi.
Óńirdiń sharýashylyqtaryna 58,8 myń tonna mineraldy tyńaitqysh qajet bolady.
Kóktemgi egis jumystarynyń qalypty júrgizilýin qamtamasyz etý úshin sharýalarǵa 5,5 myń tonna arzandatylǵan dizel otyny bólinetin bolady.
Egis alqabyna 20 414 birlik tehnika jumyldyrylady, arnaiy tehnikanyń 99%-y jumystardyń bastalýyna daiyndalyp qoiǵan.
«Keń dala-1» jáne «Keń dala-2» baǵdarlamalary aiasynda kóktemgi dala jumystaryn júrgizýge 2025 jyly 3,7 mlrd teńge qarastyrylǵan. Búgingi tańda «Agrarlyq nesie korporatsiiasyna» 4,3 mlrd teńge somasyna 170 ótinim kelip tústi, 2,5 mlrd teńge somasyna 77 ótinim boiynsha qarjylandyrý bólindi.
