Jetisý oblysy 2023-2024 jyldary jalpy óńirlik ónim kóleminiń ósimi boiynsha respýblikada úzdik shyqty. Ótken jyldyń qorytyndysy boiynsha ónim kólemi 2,2 trln. teńgege jetip, 14,8% ulǵaidy. Biylǵy jyldyń sońynda jalpy óńirlik ónim 2,7 trln. teńge bolady. Bul týraly oblys ákimi Beibit Isabaev QR Prezidenti janyndaǵy Ortalyq kommýnikatsiialar qyzmeti alańynda ótken brifing barysynda aitty, dep habarlaidy Dalanews.kz.
- Jetisý oblysynda biylǵy on aidyń qorytyndysy boiynsha barlyq salalarda turaqty ósim baiqalady. Jyldy jaqsy kórsetkishtermen aiaqtaýǵa tolyq múmkindik bar. Negizgi kapitalǵa salynǵan investitsiia kólemi 2023-2024 jyldary 894 mlrd. teńgeni qurady, onyń ishinde jeke investitsiialardyń úlesi – 71,3% nemese 637 mlrd. teńge. Jyl basynan oblys ekonomikasyna 17,5% ósimmen 397 mlrd. teńge investitsiia tartyldy, - dedi B. Isabaev.
Óńir basshysynyń aitýynsha, sońǵy úsh jylda 27 jańa kásiporyn iske qosylyp, jumys istep turǵan 7 kásiporyn keńeitildi. Olardyń irileriniń qatarynda «Qainar AKB» zaýytynyń qýatyn jylyna 100 myń ónerkásiptik akkýmýliator shyǵaratyn qýattylyqqa jetkizý arqyly jańyrtylýy, jyldyq qýaty 210 myń óndiristik statsinarlyq akkýmýliator shyǵaratyn «ASMA Industrial» jańa zaýyty, Alakól, Sarqan aýdandarynda salynǵan árqaisysy 50 MVt qýattylyqqa ie eki jel elektr stantsiiasy bar.
Atap ótsek, oblysta jalpy qýaty 251 MVt bolatyn 18 jańartylǵan energetika nysany jumys isteidi.
Oblys ákiminiń málimetine qaraǵanda, sońǵy úsh jylda óńirde 2023-2025 jyldary 108,5 myń jumys orny quryldy, onyń ishinde 70 myńnan astam adam turaqty jumysqa ornalastyryldy.
