جەتٸسۋ وبلىسى 2023-2024 جىلدارى جالپى ٶڭٸرلٸك ٶنٸم كٶلەمٸنٸڭ ٶسٸمٸ بويىنشا رەسپۋبليكادا ٷزدٸك شىقتى. ٶتكەن جىلدىڭ قورىتىندىسى بويىنشا ٶنٸم كٶلەمٸ 2,2 ترلن. تەڭگەگە جەتٸپ, 14,8% ۇلعايدى. بيىلعى جىلدىڭ سوڭىندا جالپى ٶڭٸرلٸك ٶنٸم 2,7 ترلن. تەڭگە بولادى. بۇل تۋرالى وبلىس ەكٸمٸ بەيبٸت يساباەۆ قر پرەزيدەنتٸ جانىنداعى ورتالىق كوممۋنيكاتسييالار قىزمەتٸ الاڭىندا ٶتكەن بريفينگ بارىسىندا ايتتى, دەپ حابارلايدى Dalanews.kz.
- جەتٸسۋ وبلىسىندا بيىلعى ون ايدىڭ قورىتىندىسى بويىنشا بارلىق سالالاردا تۇراقتى ٶسٸم بايقالادى. جىلدى جاقسى كٶرسەتكٸشتەرمەن اياقتاۋعا تولىق مٷمكٸندٸك بار. نەگٸزگٸ كاپيتالعا سالىنعان ينۆەستيتسييا كٶلەمٸ 2023-2024 جىلدارى 894 ملرد. تەڭگەنٸ قۇرادى, ونىڭ ٸشٸندە جەكە ينۆەستيتسييالاردىڭ ٷلەسٸ – 71,3% نەمەسە 637 ملرد. تەڭگە. جىل باسىنان وبلىس ەكونوميكاسىنا 17,5% ٶسٸممەن 397 ملرد. تەڭگە ينۆەستيتسييا تارتىلدى, - دەدٸ ب. يساباەۆ.
ٶڭٸر باسشىسىنىڭ ايتۋىنشا, سوڭعى ٷش جىلدا 27 جاڭا كەسٸپورىن ٸسكە قوسىلىپ, جۇمىس ٸستەپ تۇرعان 7 كەسٸپورىن كەڭەيتٸلدٸ. ولاردىڭ ٸرٸلەرٸنٸڭ قاتارىندا «قاينار اكب» زاۋىتىنىڭ قۋاتىن جىلىنا 100 مىڭ ٶنەركەسٸپتٸك اككۋمۋلياتور شىعاراتىن قۋاتتىلىققا جەتكٸزۋ ارقىلى جاڭىرتىلۋى, جىلدىق قۋاتى 210 مىڭ ٶندٸرٸستٸك ستاتسينارلىق اككۋمۋلياتور شىعاراتىن «ASMA Industrial» جاڭا زاۋىتى, الاكٶل, سارقان اۋداندارىندا سالىنعان ەرقايسىسى 50 مۆت قۋاتتىلىققا يە ەكٸ جەل ەلەكتر ستانتسيياسى بار.
اتاپ ٶتسەك, وبلىستا جالپى قۋاتى 251 مۆت بولاتىن 18 جاڭارتىلعان ەنەرگەتيكا نىسانى جۇمىس ٸستەيدٸ.
وبلىس ەكٸمٸنٸڭ مەلٸمەتٸنە قاراعاندا, سوڭعى ٷش جىلدا ٶڭٸردە 2023-2025 جىلدارى 108,5 مىڭ جۇمىس ورنى قۇرىلدى, ونىڭ ٸشٸندە 70 مىڭنان استام ادام تۇراقتى جۇمىسقا ورنالاستىرىلدى.
