قىرعىزستاننىڭ بٸشكەك قالاسىنداعى «ماناس» حالىقارالىق ەۋەجايىندا TezJet ەۋە كومپانيياسىنىڭ ۇشاعى ۇشۋ كەزٸندە بٸر جاعىنا قيسايىپ كەتتٸ, دەپ حابارلايدى dalanews.kz.
ۇشاق بٸشكەك – وش باعىتى بويىنشا رەيس ورىنداۋعا دايىندالىپ جاتقان. «قىرعىزستان ەۋەجايلارى» اق مەلٸمەتٸنشە, ۇشۋ جولاعىمەن ەكپٸن الا باستاعان سەتتە ۇشاقتىڭ شاسسي تٸرەكتەرٸنٸڭ بٸرٸ سىنىپ قالعان. سونىڭ سالدارىنان ەۋە كەمەسٸ سول جاق قاناتىنا قاراي قيسايعان.
ابىروي بولعاندا, ۇشاقتىڭ جىلدامدىعى ەلٸ تٶمەن بولعاندىقتان, ۇشقىشتار ونى دەر كەزٸندە توقتاتىپ ٷلگەرگەن. وقيعادان كەيٸن بارلىق جولاۋشى مەن ەكيپاج مٷشەلەرٸ اۆارييالىق سىرعاناق ارقىلى قاۋٸپسٸز جەرگە ەۆاكۋاتسييالاندى.
سونداي-اق وقيعا سالدارىنان اۆياتسييالىق كەروسين تٶگٸلگەن. ەۋەجايدا ٶرت سٶندٸرۋشٸلەر مەن مەديتسينا قىزمەتكەرلەرٸ جەدەل جۇمىس جٷرگٸزدٸ. وقيعا سالدارىنان زارداپ شەككەندەر تۋرالى اقپارات جارييالانعان جوق. وقيعانىڭ مەن-جايى انىقتالىپ جاتىر.
