Qyrǵyzstannyń Bishkek qalasyndaǵy «Manas» halyqaralyq áýejaiynda TezJet áýe kompaniiasynyń ushaǵy ushý kezinde bir jaǵyna qisaiyp ketti, dep habarlaidy dalanews.kz.
Ushaq Bishkek – Osh baǵyty boiynsha reis oryndaýǵa daiyndalyp jatqan. «Qyrǵyzstan áýejailary» AQ málimetinshe, ushý jolaǵymen ekpin ala bastaǵan sátte ushaqtyń shassi tirekteriniń biri synyp qalǵan. Sonyń saldarynan áýe kemesi sol jaq qanatyna qarai qisaiǵan.
Abyroi bolǵanda, ushaqtyń jyldamdyǵy áli tómen bolǵandyqtan, ushqyshtar ony der kezinde toqtatyp úlgergen. Oqiǵadan keiin barlyq jolaýshy men ekipaj músheleri avariialyq syrǵanaq arqyly qaýipsiz jerge evakýatsiialandy.
Sondai-aq oqiǵa saldarynan aviatsiialyq kerosin tógilgen. Áýejaida órt sóndirýshiler men meditsina qyzmetkerleri jedel jumys júrgizdi. Oqiǵa saldarynan zardap shekkender týraly aqparat jariialanǵan joq. Oqiǵanyń mán-jaiy anyqtalyp jatyr.
