Euronews telearnasy aldaǵy ýaqytta halyqaralyq jańalyqtardy qazaq tilinde de usynatyn bolady, dep habarlaidy dalanews.kz.
Bul týraly Ortalyq kommýnikatsiialar qyzmetinde ótken baspasóz máslihatynda Euronews direktorlar keńesiniń tóraǵasy Pedro Vargas David málimdedi. Onyń aitýynsha, álemniń 140 eline habar taratatyn arna qazaq tilindegi kontentti iske qosýdy josparlap otyr.
«Biz qazaq tilin halyqaralyq til dep bilemiz», – dedi Pedro Vargas David.
Aita keteiik, Euronews – 1993 jyly Frantsiianyń Lion qalasynda qurylǵan halyqaralyq aqparattyq telearna. Ol saiasat, ekonomika, qoǵam, ǵylym, mádeniet jáne sport salalaryndaǵy álemdik jańalyqtardy birneshe tilde taratyp, Eýropadaǵy jetekshi halyqaralyq medialardyń birine ainaldy.
Qazir arna ondaǵan elde efirge shyǵyp, tsifrlyq platformalar arqyly milliondaǵan kórermenge aqparat usynyp keledi. Endi onyń jańalyqtary qazaq tilinde de qoljetimdi bolady.
