«Dala Qyrandary» jastar qoǵamdyq birlestigi kontrafaktilik alkogolge qarsy kópjyldyq sýrrogat naýqanyn jańa strategiialyq deńgeige kóterdi. 7 shildede belsendiler sýrrogat ónimderin taratýdyń iri arnalaryn anyqtaý men buǵattaýǵa baǵyttalǵan respýblikalyq aktsiiany bastady. Endi qyrandardyń (uiym músheleriniń) basty nazarynda jekelegen dúken sóreleri emes, kóterme jetkizý tizbekteri bolmaq. Jańa formattaǵy alǵashqy aýqymdy reidter Astana men Óskemen qalalarynda bir ýaqytta tusaýyn kesti, dep habarlaidy dalanews.kz.
Zańsyz alkogol men shyǵyny belgisiz, arzan sýrrogat ónimderi Qazaqstan qoǵamy úshin áli de jasyryn, biraq óte qaýipti qater bolyp qala bermek. Kontrafaktiniń qoljetimdiligi ósip kele jatqan urpaqqa tikelei soqqy bolyp tiip, jastardy erte jastan masqumarlyqqa jeteleidi jáne olardyń ómirin qaterge tigedi. Máseleniń aýqymdylyǵy bólshek saýdadaǵy usaq zań buzýshylyqtardy jai ǵana tirkep qoiýdy emes, osy kontrafaktilik ónimder tonnalap kelip túsetin úi irgesindegi dúken sóreleriniń zańsyz arnalaryn júieli túrde buǵattaýdy talap etedi.
Qyrandardyń úilesimdi ári jedel áreketteriniń nátijesinde Astana qalasynda kólemi 160 litr, al Óskemen qalasynda 205 litr bolatyn shyǵý tegi belgisiz, quramynda spirti bar qaýipti ónimniń iri partiiasy anyqtaldy. Tabylǵan barlyq qoldan jasalǵan taýarlar saraptama júrgizý jáne zań buzýshylardy jaýapkershilikke tartý úshin quqyq qorǵaý organdaryna jedel túrde ótkizildi.
Bul naýqannyń basty maqsaty — eń aldymen ult saýlyǵyn qorǵaý. Qoǵam belsendileri qazaqstandyqtardy, ásirese jastardy ómirge asa qaýipti sýrrogat ónimderin tutynýdan arashalap, otbasylardy kontrafakti kesirinen bolatyn qaiǵyly jaǵdailardan saqtap qalýdy kózdeidi.
«Osy naýqan aiasynda atqarǵan úsh jyldyq jumysymyzdyń nátijesinde birlesken kúsh-jigerdiń arqasynda ainalymnan 1 500 myń litrden astam sýrrogat alkogoldi tárkiledik — bul myńdaǵan adamnyń ómirin arashalap qaldy degen sóz. Alaida, bul máseleni birjola sheshý úshin tek bólshek saýdamen ǵana shektelý jetkiliksiz, iri partiialardyń taralýyna tosqaýyl qoiý kerek. Biz úshin qurǵaq kórsetkishter emes, árqashan ult saýlyǵy men adamdardyń qaýipsizdigi birinshi orynda turady», - dep bólisti «Dala Qyrandary» JQB úilestirýshisi Meiirbolat Toitov.
