Prezident Qasym-Jomart Toqaev Joǵary aýditorlyq palata tóraǵasy Álihan Smaiylovty qabyldady, dep habarlaidy dalanews.kz.
Memleket basshysy Joǵary aýditorlyq palatanyń biylǵy alǵashqy jartyjyldyqta atqarǵan jumysynyń qorytyndysy týraly esepti tyńdady.
Álihan Smaiylovtyń aitýynsha, atalǵan kezeńde somasy 5,8 trillion teńgeni quraityn 13 iri memlekettik aýdit júrgizilgen.
Tekserý jumystary jekelegen óńirlerdiń jergilikti atqarýshy organdaryn, «Problemalyq kreditter qory», «Agrarlyq korporatsiia», «Qazposhta», «Aqtaý teńiz porty» aktsionerlik qoǵamdaryn, densaýlyq saqtaý júiesiniń infraqurylymy men birqatar memlekettik organdardy qamtydy.
Prezidentke anyqtalǵan kemshilikterdi joiý nátijesinde memleket biýdjetine 128 milliard teńge qaitarylǵany jóninde baiandaldy. Úkimet pen aýdit nysandaryna 35 usynym men 413 nusqama jiberildi.
Memleket basshysynyń biýdjet úderisin jetildirý jónindegi tapsyrmasyn oryndaý aiasynda ulttyq zańnamaǵa Joǵary aýditorlyq palatanyń bastamasymen birqatar ózgeris engizildi. Atap aitqanda, makroekonomikalyq boljam qalyptastyrýdyń jańa erejesi qabyldanyp, memleket qarajatyn jumsaýǵa qatysty qazynalyq baqylaý kúsheitildi jáne tórtinshi toqsanda biýdjetke túzetý engizýge tyiym salyndy.
Qasym-Jomart Toqaevqa jekeshelendirý úderisiniń ashyqtyǵy men tiimdiligin arttyrý sharalary, sondai-aq agroónerkásip keshenin retteý tetigin jetildirý jóninde málimet berildi.
Álihan Smaiylovtyń baiandamasyna sáikes, biyl ekinshi jartyjyldyqta 20 memlekettik aýditti aiaqtaý josparlanǵan. Onyń tórteýi Memleket basshysynyń tikelei tapsyrmasy boiynsha qolǵa alynǵan. Iaǵni Shymkent qalasyna, Qaraǵandy jáne Shyǵys Qazaqstan oblystaryna, sondai-aq farmatsevtikalyq ónim óndirýshilerdi qoldaý tetikterine tekserý júrgiziledi.
Sondai-aq gaz ben investitsiia salalary, «Jasyl damý» AQ, «QazAvtoJol» UK» AQ qyzmeti, jekelegen ulttyq jobalar, «Aýyl – el besigi» jobasy jáne basqa da baǵyttar tekserýden ótpek.
Jańa Quryltaimen ózara is-qimyl aiasynda 2027-2029 jyldarǵa arnalǵan respýblikalyq biýdjet jobasy baǵalanatyn bolady.
Prezident kezdesý sońynda zamanaýi tsifrlyq sheshimder men jasandy intellekt tehnologiialaryn engizýge basymdyq bere otyryp, memlekettik aýdit júiesin jetildirý jóninde birqatar tapsyrma júktedi.
