Jetisý prokýrorlary múgedektigi bar adamdar men kópbalaly analardyń quqyǵyn buzǵan laýazymdy qyzmetkerlerdi jaýapkershilikke tartty, dep habarlaıdy Dalanews.kz.

Aýyldyq okrýg ákimderi men mektep dırektorlary múgedektigi bar adamdardyń, kópbalaly analardyń, «Altyn alqa», «Kúmis alqa», «Ana dańqy» jáne basqa da marapattarǵa ıe bolǵan analardyń jalaqylarynan mindetti tólemderdi zańsyz ustap otyrǵan.

Prokýratýra «Mindetti áleýmettik medısınalyq saqtandyrý týraly» Zańnyń talaptaryna sáıkes azamattardyń atalǵan sanaty úshin mundaı jarnalardy memleket tóleıtinin jetkizdi.

Alaıda, soǵan qaramastan, keıbir jumys berýshiler tarapynan qoldaýǵa muqtaj 166 adamnyń jalaqysynan 5,5 mıllıon teńgedenastam qarjy zańsyz ustalǵany belgili boldy.

Jetisý oblysy prokýratýrasynyń qadaǵalaý aktisi boıynsha atalǵan azamattardyń buzylǵan quqyǵy qalpyna keltirilip, zańsyz ustalǵan qarjyny qaıtarý rásimi bastaldy. Kináli laýazymdy adamdar, onyń ishinde eki aýyldyq okrýgtiń ákimi men bir mektep dırektory tártiptik jaýapkershilikke tartyldy, – delingen prokýratýra habarlamasynda.