Jetisý oblysynda 3 myń turǵyn gazǵa qol jetkizdi
– Daniiar Medelbekuly, jańa oblystyń jylytý maýsymyna daiyndyǵy qalai?
– Aǵymdaǵy jyly 2022-2023 jyldardaǵy jylytý maýsymyna daiyndyq jáne ony ótkizý úshin oblys biýdjetinen 8,3 mlrd teńge qarastyrylǵan. Onyń 2,4 mlrd teńgesi jylýmen jabdyqtaý nysandaryn jóndeýge, 5,9 mlrd teńgesi otyn satyp alýǵa jumsalady.
Sondai-aq jóndeý jumystaryn qarjylandyrý úshin jalpy kásiporyndardyń jeke qarajaty – 419 mln teńge dep bekitilgen.
2022-2023 jyldardaǵy jańa jylytý maýsymyna daiyndyq boiynsha energiiamen jabdyqtaýshy uiymdardyń jóndeý jumystarynyń arnaiy jospary quryldy.
Osy joba-jsoaprydyń sheńberinde 2 týrbina, 31 qazan, 12 shaqyrym jylý trassasy men 12,1 myń shaqyrym elektr jelileri, 2 163 transformatorlyq qosalqy stantsiialarǵa jóndeý jumystaryn júrgizip, jylytý maýsymyna daiyndadyq.
Sonymen qatar 1 024 áleýmettik sala obektileri onyń ishinde 489 bilim berý 313 densaýlyq saqtaý, 222 áleýmettik mádeni-turmystyq nysandary jáne de 1 638 kóppáterli turǵyn úi jylytý maýsymyna tolyq tekserýden ótip, daiyndyǵy tolyqtai pysqtaldy. Qazirgi tańda barlyq ǵimarattar qysqy merzimge daiyn dep nyq senimmen aitýǵa bolady. Oblys pen aýdan ortalǵyndaǵy injenerlik qurylymdar oidaǵydai jumys istep tur.
– Óńirdegi kásiporyndardy otynmen qamtý isi qalai júrgizilýde? Olardyń qajettilikteri ótilip jatyr ma?
– Búgingi tańda energiiamen jabdyqtaýshy kásiporyndar men biýdjettik uiymdar úshin otyn satyp alý jumystary júieli túrde iske asyýda. Oblysymyzdaǵy jylýmen qamtamasyz etetin kásiporyndarǵa barlyǵy 391,5 myń tonna kómir men 10,1 myń tonna mazýt qajet.
Kásiporyndardaǵy kómir qaldyǵy 87,2 myń tonnany, mazýt – 2,5 myń tonnany quraidy. Al biýdjettik uiymdar úshin suiyq otynnyń qajettiligi 10,5 mln litrdi qurady. Qazirgi kezde 10,1 mln litr satylyp alynǵan. Eger buny paiyzǵa shaǵatyn bolsaq, oblys aýmaǵyndaǵy suiyq otynmen jumys isteitin energiiamen jabdyqtaýshy mekemeler ózine qajetti suiyq otyn kólemi 96%-ǵa jinaqtalǵanyn baiqaýǵa bolady. Jetkizilgeni 8 mln litr suiyq otyn ol bekitilgen limittiń 75%-y.
– Jetisý jerinde kómir tapshylyǵy ara-tura baiqalyp qalatynyn bilemiz. Qorda qatty otyn kólemi jetkilikti me?
– Oblys boiynsha jalpy qajettilik 505 myń tonnany quraidy. Barlyǵy 332 myń tonnasy satyldy, onyń 315,9 myń tonnasy halyqqa taratylyp berildi. Dál qazirgi kezde oblystaǵy temirjol toraptary men qoimalarda 15,5 myń tonna kómir qory bar. Negizinen mamyr-tamyz ailaryna jetkizý jospary 161,7 myń tonnany qurady. Naqty jetkizilgen kómirdiń kólemi 130,2 myń tonna. Oblys aýmaǵyna Qarajyradan 62,4 myń tonna kómiri, Shubarkólden 67,8 myń tonna kómiri jetkizilgenin atap aitýǵa bolady.
– Aldaǵy ýaqytta taǵy da kómir keledi me?
– Jospar boiynsha qazan aiynda Jetisý oblysyna Shubarkólden 609 vagon, Qarajyradan 493 vagon kómiri ákelinýi kerek bolatyn. Bulardyń jalpy kólemi 76 myń tonnany quraidy. Osy kezde naqty jetkizilgeni 9,8 myń tonna nemese 13% tielgen. Búginde táýligine ortasha eseppen 23 vagon, iaǵni 1 587 tonna kómir kelip jinaqtalýda. Áli jetkizilmegen 10 626 tonna, iaǵni 154 vagon qatty otyn bar. Aita kettetin bir jait, aýdan jáne qala ákimdikteriniń aqparattary boiynsha qoimalar men temirjol tuiyqtarynda bir tonna kómirdiń ortasha baǵasy 14 800-23 000 teńgeden saýdalanýda.
– Osy rette Jetisý oblysy jurtshylyǵyn kógildir otynmen qamtý máselesine toqtalyp ótseńiz, aimaqtaǵy ahýal qandai?
– Aǵymdaǵy jyly gaz taratý jelilerin salý boiynsha 26 jobany iske asyrýǵa biýdjetten 7,8 mlrd teńge bólindi. Onyń ishinde 12-i aýyspaly jáne 14-i jańa nysandar. Kóksý aýdanynda – 4, Qaratal aýdanynda – 11, Eskeldi aýdanynda – 7, Taldyqorǵan qalasynda – 3, Tekeli qalasynda – 1. Atalǵan óńirlerde jalpy uzyndyǵy 492 shyqarym gaz qubyry tartylǵanyn aita ketýimiz kerek.
– Eldi-mekenderdi gazdandyrý jumysy qai deńgeide?
– Eldi-mekenderge gaz berý jumystary qarqyndy júrip jatyr. Júrgizilgen jumystardyń nátijesinde Kóksý aýdany Muqra aýylynyń, Eskeldi aýdany Orkýsak aýylynyń, Taldyqorǵan qalasynyń Prigorodnoe, 3 bólimshesiniń turǵyndary tabiǵi gazǵa qol jetkizdi. Úilerine kógildir otyn kirgizgen eldiń sany 3000-nan asyp jyǵylady.
Bul jumystar aldaǵy ýaqytta jalǵasyn tabatyn bolady. Máselen, Eskeldi, Kóksý, Kerbulaq, Qaratal aýdandaryn gazdandyrýdy tolyq aiaqtaý úshin jobalaý jumystarynyń esebi jasalynýda.
Sondai-aq, 28 jobalaý-smetalyq qujattama ázirlengen. Onyń ishinde 10 JSQ boiynsha jobalaý jumystary tolyq kólemde aiaqtaldy jáne memlekettik saraptamaǵa berýge daiyn. Qurylys-montajdaý jumystaryn 2023-2024 jyldar kezeńinde júrgizý josparlanýda.
– Suqbatyńyzǵa raqmet!
Anar Sabyrova, Jetisý oblysy.
