Jetisý oblysynda áskeri qyzmetin ótep júrgen sarbaz Dastan Qurmanbektiń qaza tabýy resmi derek boiynsha óz-ózine qol jumsaý dep tanylǵanymen, ata-anasy bul nusqaǵa senbeidi, dep habarlaidy Dalanews.kz.
Marqumnyń ata-anasy Qaz365 agenttigine oqiǵanyń mán-jaiyn baiandady.
"Balamnyń ózin-ózi óltirýi múmkin emes. Bir kún buryn ǵana baryp qaittyq, bári jaqsy edi," – deidi marqumnyń ákesi.
Anasy Dastandy óte tózimdi, sabyrly bala bolǵanyn aitady.
"Úide aýyrsa da eshkimge aitpaityn. Áskerde qiyn bolaryn bilse de, 'shydaimyn' dep ketken edi," – deidi ol.
Ata-anasynyń aitýynsha, qaiǵyly jaǵdai aldynda Dastan telefon arqyly úsh kún boiy uiyqtamai, sýyqta nariadta turǵanyn aitqan. Olar ulymen kezdesý úshin arnaiy baryp qaitqan soń, erteńine onyń qaza tapqany týraly sýyq habar jetken.
Qurlyq áskerleri basshylyǵynyń málimetinshe, sarbaz qarýmen jumys isteý erejelerin saqtamaǵandyqtan jaraqat alǵan. Oqiǵanyń naqty sebepterin arnaiy komissiia anyqtap jatyr.
