Áleýmettik-kásipkerlik korporasıasynyń ujymyna jańa basshyny Almaty oblysy ákiminiń orynbasary Serikjan Beskempirov tanystyrdy.
– Ózderińizge málim, Rýslan Sádýaqasuly birneshe jyl boıy Kásipkerlik jáne ındýstrıaldy-ınnovasıalyq damý basqarmasynyń basshysy boldy, talaı qyzmette istedi. Búgingi tańda korporasıa aldynda jaýapty mindetter tur.
Bul – Aqsý qant zaýytyn iske qosý, ózge de kóptegen memlekettik baǵdarlamalardy júzege asyrý. ÁKK jumysy jolǵa qoıylǵan, endi odan ári damytý qajet. Eńbekte tabys tileımin, – dedi Serikjan Beskempirov. Jańa basshynyń osyǵan deıin korporasıa jumysyna jetekshilik etkendikten, onyń qyzmetimen jaqsy tanys ekeni atap ótildi.
Óz kezeginde Rýslan Qojasbaev Almaty oblysynyń basshylyǵyna senim kórsetkeni úshin alǵysyn bildirdi.
– ÁKK agroónerkásiptik keshen salasynda mańyzdy jobalardy júrgizedi, basym memlekettik baǵdarlamalardy iske asyryp keledi jáne óńirdiń áleýmettik-ekonomıkalyq damýynda sheshýshi ról atqarady. Óńir basshylyǵyna senim artqany úshin alǵys aıtqym keledi. Barlyq qoıylǵan maqsattar men mindetter oryndalady, – dedi ÁKK basshysy.
Rýslan Qojasbaev 1976 jyly Almaty oblysynyń Sarqan aýdanynda týǵan. Abaı atyndaǵy Almaty memlekettik ýnıversıtetin bitirgen. Mamandyǵy boıynsha zańger.
Eńbek jolyn 1996 jyly Almaty qalasynyń bıznes-qurylymdarynda bastaǵan. 1999-2004 jyldary Almaty qalasy men Shyǵys Qazaqstan oblysynyń qarjy polısıasy organdarynda jumys istedi. Ár jyldary túrli kompanıalarda kúrdeli qurylys departamentiniń dırektory, ınvestısıalyq jobalar departamentiniń dırektory, bas menejer qyzmetterin atqardy. «Parasat Holdıń» AQ vıse-prezıdenti, «Energo-Injırıng» JSHS Baqylaý keńesiniń tóraǵasy boldy.
2018 jyldyń mamyry men 2020 jyldyń mamyry aralyǵynda Almaty oblysynyń Kásipkerlik, ındýstrıaldy-ınnovasıalyq damý basqarmasynyń basshysy qyzmetin atqardy.
