Jetisý jerindegi týrizmdi damytý sý, ekologiia jáne taý týrizmderine arqa súieidi, iaǵni 5 destinatsiiaǵa negizdelgen,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Olar – Alakól, Balqash kólderi, «Jońǵar Alataýy» men «Altynemel» Ulttyq parkteri jáne taý týrizmi. Infraqurylymdy damytý baǵytynda qabyldanǵan sharalardyń arqasynda ótken jyly óńirdiń týristik nysandaryna 2 millionnan astam adam keldi, bul 2023 jyldyń sáikes kezeńimen salystyrǵanda 11%-ǵa artyq. Al óńirdiń týrizm salasyna tartylǵan investitsiialar kólemi shamamen 12 mlrd. teńgege jetti.
Oblystyq kásipkerlik jáne indýstriialyq-innovatsiialyq damý basqarmasynyń málimetinshe, óńirde týrizmdi damytý maqsatynda týristik obektilerge aparatyn joldar men injenerlik infraqurylymdy damytýǵa erekshe kóńil bólinedi.
Máselen, birinshi kezekte Alakól kóline kólikpen jetýge qolaily jaǵdai jasalǵan. Atap aitqanda, «Taldyqorǵan – Úsharal» (313,5 km) jáne «Úsharal – Dostyq» (184 km) avtomobil joldary, sondai-aq áýejaidyń ushý-qoný jolaǵy qaita jańartyldy. Osy oraida poiyzdar sany 12-ge deiin ulǵaityldy. Osylaisha kólge Astana, Almaty, Óskemen, Semei jáne Qyzylorda qalalarynyń poiyzdary, sondai-aq «Astana – Dostyq» baǵyty boiynsha «Talgo» poiyzy qatynaidy. 2025-2027 jyldary joǵary voltty elektr berý jelilerin, káriz tazartý qurylystaryn salý jáne jaǵalaýdy nyǵaitý arqyly Alakól jaǵalaýynyń infraqurylymyn damytý jalǵasady. Sonymen qatar elektr energiiasynyń jetispeýshiligi máselesi de sheshilýde.
«Ýaqytsha shara retinde ótken jyly qýatty transformatorlar ornatyldy. Problemany túpkilikti sheshý úshin Beskól-Aqshi elektr berý jelileriniń qurylysy bastaldy, biyl aiaqtalady dep josparlanyp otyr, elektr qýaty Beskól aýylyna ǵana emes, Aqshidegi jaǵalaý aimaǵyna da úzdiksiz jetkiziletin bolady. Kelesi kezeńde energiiamen jabdyqtaýdy qamtamasyz etý úshin elektr berý jelisi Kóktumaǵa deiin sozylady. Sonymen qatar biylǵy jyly Alakól kóliniń jaǵalaýyn nyǵaitý jumystaryna respýblikalyq biýdjetke qarjy bólindi», - delingen basqarmanyń habarlamasynda.
Osy oraida Alakól kýrorttyq aimaǵyndaǵy týrizm nysandary sanynyń 1,5 esege jýyq óskenin de atap ótken jón.
Shaǵyn aviatsiia men sý kóliginiń qyzmetin retteý máselesi de nazardan tys qalǵan joq. Alakól men Balqash kólderinde sý kóligin turaqqa qoiý men paidalanýdyń, sondai-aq ushý apparattaryn qoldanýdyń qaǵidalaryn belgileitin normativtik akt ázirlendi.
Óńirde týrizmdi damytýda Balqash kóliniń mańyzy zor. Kólge aparatyn joldy jóndeý jumystary sáýir aiynda bastalyp, mamyr aiynda, iaǵni shomylý maýsymy bastalǵanǵa deiin aiaqtalady. Sonymen qatar ótken jyldan bastap Lepsi stantsiiasynan Balqashqa deiin elektr berý jáne sýmen jabdyqtaý jelileri tartylýda, biyl aiaqtaý josparlanǵan. Al munan keiin kól jaǵasynda 16 shaqyrymdyq rekreatsiialyq aimaqty jaiǵastyrý jumystary bastalady dep mejelenip otyr.
«Altynemel», «Jońǵar Alataýy» ulttyq parkteriniń jáne Jońǵar Alataýy taý alabynyń áleýetin eskere otyryp, óńirde ekologiialyq týrizm belsendi damyp jatyr.
"Máselen, 2023 jyly «Altynemel» ulttyq parkinde jeke investitsiia esebinen vizit-ortalyq salyndy, al ótken jyly jergilikti biýdjet esebinen Sarqan aýdanynyń Topolevka aýylynda zamanaýi vizit-ortalyq ashyldy. Budan bólek, Burqanbulaq sarqyramasyna deiingi 30,8 km joldyń qurylysyn jáne Tekeli qalasynda zamanaýi taý shańǵysy keshenin salýdy bastaý josparlanyp otyr. Oblysta «Qorǵas» HShYO-nyń áleýetine sai transshekaralyq saýda týrizmin damytýǵa erekshe mán beriledi. Sonymen birge «Qorǵas-Shyǵys qaqpasy» AEA aýmaǵynda halyqaralyq jolaýshy jáne júk áýejaiyn salý jóninde birlesken Qazaqstan-Germaniia jobasyn iske asyrý josparlanǵan, bul alys shetelden aimaqqa keletin týrister legin arttyrýǵa múmkindik beredi", - dedi oblystyq kásipkerlik jáne indýstriialyq-innovatsiialyq damý basqarmasy basshysynyń orynbasary Daniiar Ysqaqov.
Jyl saiyn óńirde «Sivers alma aǵashynyń gúldenýi», «Alakol fest» festivaldary, «Altynemel-qulandar mekeni» ekofestivali siiaqty imidjdik sharalar turaqty ótkiziledi. Al Alakól aýdany Lepsi aýyly ulttyq baiqaý qorytyndysy boiynsha Qazaqstannyń úzdik týristik aýyly bolyp tanyldy.
Jalpy Jetisý oblysynyń aýmaǵynda 442 týristik nysan ornalasqan. Ótken jyldyń 9 aiynyń qorytyndysy boiynsha óńirde aqyly týristik-saýyqtyrý qyzmetteriniń kólemi 6,6 mlrd. teńgege jetti.
