Jetisailyqtar Mańǵystaýǵa 70 tonnadan astam shóp jóneltti
Qazaq halqynyń izgi qasietteriniń biri qaiyrymdylyq ekeni daýsyz. Kez kelgen qiyndyqty el bolyp jeńe bilgen. Mańǵystaý oblysynda biyl jaýyn-shashyn az túsýine bailanysty mal azyǵy shóptiń jetkilikti mólsherde shyqpai qalýyna bailanysty qýańshylyq oryn aldy. Osyǵan orai elimizdiń ár óńiri óz járdemin kórsetýde, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Máselen, Túrkistan oblysy Jetisai aýdanynyń sharýalary «Biz birgemiz» aktsiiasy aiasynda 74 tonna press shópti mańǵystaýlyqtarǵa jóneltti.
Sondai-aq, jetisailyqtar taǵy da qosymsha 60 tonna mal azyǵyn jóneltpek. Aita keterligi, byltyr ǵana topan sýdan zardap shekken Maqtaaral aýdany Órgebas aýylynyń sharýalary da bir vagon jem-shóp tiep qiyndyq kórip jatqan sharýalarǵa jiberdi.
