QR Prezıdenti Qasym-Jomart Toqaevtyń el aýmaǵynda COVID-19 koronavırýsyn pandemıa dep tanýyna baılanysty tótenshe jaǵdaı jarıalanǵan bolatyn. Osyǵan oraı, Túrkistan oblysynda da indettiń taralýyna tosqaýyl qoıý boıynsha barlyq sharalar qarastyrylyp, jumystar atqarylýda.

Óńirde betperdelerdiń tapshylyǵyna baılanysty sehtar óz jumystaryn qarqyndatýda. Dárihanalar men bólshek saýdada týyndaǵan medısınalyq betperde tapshylyǵyn joıý úshin búginde  kásipkerler óz úlesin qosyp, ónimdi arttyryp jatyr.

Máselen, Jetisaı qalasyndaǵy «Aınur» jáne «Ásem» jeke kásipkerlik nysandary kúnine 3000-ǵa jýyq medısınalyq betperde tigip, satylymǵa shyǵarýdy qolǵa aldy. Aldaǵy ýaqytta jumys kúshin arttyryp qýattylyǵyn 4000 danaǵa jetkizý josparlanyp otyr.