Jetisaı aýdany negizgi tabysyn aýyl sharýashylyǵy salasy quraıtyn agrarly aımaq. Erte kóktemnen bastap tynys tirshiligi qaınap jatatyn óńirde sharýalar úshin etken beıneti aqtalyp, qyrmannyń berekeli bolýy birinshi orynda, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

J.Eralıev aýyldyq okrýgindegi «Myrza ata» sharýa qojalyǵy qyryqqabattyń alǵashqy ónimin kórshiles Reseı eline eksporttaýdy bastady. Qojalyq tóraǵasy Ábdijappar Myrzaev sońǵy birneshe jyldan beri 60 kúnde pisip jetiletin qyryqqabattyń makako sortyn egip keledi. Ónimdilik te jaqsy, baǵasy da joǵary. Meıramhanalar men dámhanalarda suranysqa ıe. Qazirdiń ózinde egistik basynan kelisi 175 teńgeden satylýda.

Jetisaı aýdandyq aýyl sharýashylyǵy jáne jer qatynastar bóliminiń basshysy Nurtas Tursynbekovtyń aıtýynsha, Jetisaı aýdanynda bıyl 1200 gektar aýmaqqa erte pisetin qyryqqabat egilip, boljam boıynsha 36 myń tonna ónim alý josparlanýda.

Egilgen ónimniń basym bóligi «Zarısma», «Valıkor», «Magnýs», «Kevın Farao», «Rında», «Zakaz», «Makako» sorttary. Byltyr aýdan dıqandary 1,2 myń gektar jerge qyryqqabat daqylyn egip, 41 myń tonna ónim óndirgen. Negizinen erte pisetin qyryqqabat óniminiń basym bóligi Reseı, Belorýssıa jáne Eýropa elderine eksporttalǵan.

Aıta keteıik, bıyl aýdanda 79,2 myń gektar aýmaqqa aýyl sharýashylyǵy daqyldary ornalastyrylady. Onyń ishinde 42 myń gektarǵa maqta, 19 myń gektar alqapqa baqsha, 3,5 myń gektar jerge kókónis pen 14 myń gektarǵa mal azyq daqyldaryn egý josparlanyp otyr.