Jetisaidyń kireberisine qaqpa ornatylyp jatyr
Sondai-aq, ondaǵy burylystyń eki jaq betin qaita qurylymdaý jumystary jalǵasýda. Budan bólek, Asyqata kentiniń shyǵa berisindegi úlken mazarat mańy jasyl sharbaqtarmen qorshalýda.
Aýdan ákimi Jamantai Beisenbaev atalǵan nysandardaǵy qurylys jumystarynyń barysymen arnaiy tanysyp, tiisti sala basshylaryna qosymsha naqty tapsyrmalar berdi
«Eń aldymen aýdanymyzdyń shekarasyna kireberis jerge qaqpa ornatylatyn bolady. Aýdan qaqpasyn elge kórinetin yńǵaily jerge qoiatyn bolamyz. Birninshi talap — qaqpanyń mańy men shekaradan Syrabat aýylyna deiingi kósheniń boiy tolyq jaryqtandyrylýy tiis. Ol úshin elektr baǵanalaryn ornatyp, jeli tartylýy kerek», — dedi Jamantai Qanaiuly.
Syrabat aýylynan bastaý alǵan sharbaq ornatý jumystary Asyqata kentine deiin júrgizilmek. Al kósheniń eki beti tolyq qorshalyp, onda erte boi alatyn tal-daraqtar otyrǵyzý josparlanýda.
Munan soń aýdan ákimi Jetisai qalasyndaǵy jańa kópir mańyna «Jetisai qalasy» degen jazýdy ornalastyrý qajettigin eskertti. Sondai-aq, Maqtaaral jáne Shardara aýdandaryndaǵy shekara aimaqtaryna belgi ornatýdy júktedi. Bul jumystar Jetisai qalasy kúni merekesine deiin aiaqtalýy tiis.
