Jalpy aýdan boıynsha 17 kóshege aǵymdaǵy jol jóndeý jumystaryn júrgizýge búdjetten 5 mln. teńge bólinip, qazirgi tańda jóndeý jumystary júrgizilip jatyr.
Aıta ketetin bolsaq, Jetisaı aýdany boıynsha orta jóndeýden ótkizýge aýdandyq mańyzy bar 5 joldyń jáne 192 ishki kósheniń smetalyq qujattamalary jasaqtalǵan.
Jalpy quny 2 mlrd. 846 mln. 344 myń teńgeni quraıdy. Oǵan qosa, aýdan boıynsha uzyndyǵy 141 shaqyrymdy quraıtyn 291 topyraq kóshege aǵymdaǵy jóndeý (tas tóseý) jumystaryn júrgizý maqsatynda smetalyq qujattamalary jasalynyp, jalpy quny 872 mln. teńgeni quraǵan.
Odan bólek, 2019 jyldyń sońyna deıin Jetisaı qalasy boıynsha 32 kóshege orta jáne aǵymdaǵy jol jóndeý jumystary júrgiziledi.
Al, Jetisaı aýdany boıynsha 116 kóshege aǵymdaǵy jóndeý jumystary jasalatyn bolady. Bulardyń ishinde 67 kóshege asfált tóselse, 49 kóshege tas tóselgen. Qazirgi tańda atalǵan jumystardyń 70 paıyzy oryndalǵan. Jyl sońyna deıin tolyq 100 aıaqtalatyn bolady.
Túrkistan oblysy óńirlik komýnıkasıalar qyzmeti
