Jetisaidyń diqandar alǵashqy ónimderin jinaýǵa kiristi
Jetisailyq diqandar biylǵy sharýashylyq jumystardyń nátijesi tabysty bastalǵanyn aitýda.
«Biz qyryqqabatty qańtar aiynyń 10 kúni ektik. Jabyndyny doǵa etip japtyq. Arnaiy dárýmenderin berdik. Qazir 40 adamnan astam adamdy jumyspen qamtyp otyrmyz. Qyryqqabattyń kelisi 210 teńgge baǵalanýda. Bul jetisailyqtar úshin rekordtyq baǵa. 3 gektar jerge 80 myń túp Kevin jáne Faraon kóshetterin otyrǵyzdyq. Alǵashqy terimde-aq 20 tonna ónimdi Resei memleketine jóneltip otyrmyz», – dedi «Yqylas» sharýa qojalyǵy tóraǵasy Arab Rátov.
Biyl aýdanda kóktemgi dala jumystary qarqyndy. Qazirdiń ózinde 40 myń gektar jer tyrmalanyp, 25 myńnan astam gektar jer qopsytyldy. Biyl aýdan boiynsha 45 myń gektarǵa maqta shitin sebý kózdelgen. Mamandar biyl janar-jaǵarmai men tyńaitqyshtardan tapshylyq bolmaitynyn aitýda.
Túrkistan oblysy ákiminiń baspasóz qyzmeti
