Jetisai aýdany ákimdiginiń kásipkerlik bólimi men Jetisai aýdandyq bilim bóliminiń uiymdastyrýymen aýdandaǵy az qamtamasyz etilgen jáne kópbalaly otbasy balalarynyń mektep baǵdarlamalaryna qatyspaýyn boldyrmaý, sabaqtaryna tolyq qatysýlaryn qamtamasyz etý maqsatynda dástúrge ainalǵan «Mektepke jol» respýblikalyq aktsiiasy ótti,- dep habarlaidy Dalanews.kz
Atalmysh sharaǵa Jetisai aýdany ákimdigi apparatynyń basshysy Esengeldi Aldaniiazov pen aýdandyq máslihat tóraǵasy Medet Qasymov, «AMANAT» partiiasy Jetisai aýdandyq filialynyń tóraǵasy Asqar Qainazarov pen aýdandyq máslihat depýtaty Elmira Temirbaeva, aýdandyq bilim bólimi basshysynyń mindetin ýaqytsha atqarýshy Shoqan Adaibekov arnaiy qatysyp, jańa oqý jylyna sáttilik tiledi. Jurtshylyqqa aktsiianyń mán-mańyzyn túsindirdi.
Myńnan astam ata-analardyń qatysýymen ótken jármeńkede oblys jáne aýdan aýmaǵyndaǵy mektep oqýshylarynyń kiim úlgisin óndirýshileri men satýshylary, keńse taýarlary men mektepke qajetti zattardy satýshy 30-ǵa jýyq kásipker sabaqqa qajetti oqý quraldaryn, kitap-dápterler men qalam-sómkelerdi, mektep formalaryn bazar baǵasynan 15-20 paiyz tómen baǵada usyndy.
Jetisai qalasyndaǵy Q.Jandarbekov atyndaǵy Jetisai drama teatrynyń aýlasynda ótken aktsiia barysynda «AMANAT» partiiasynyń «Baqytty otbasy» jáne «Balalardy mektepke daiarlaiyq» aktsiialary aiasynda 150 búldirshinge demeýshilik jasalyp, mektepke qajetti qural-jabdyqtary tegin úlestirildi.
