Jetisaı aýdanynyń ákimi Serik Mamytovtyń qatysýymen ótken «Taza Qazaqstan» respýblıkalyq ekologıalyq senbilikke Jetisaı qalasyndaǵy «M.Gorkıı» atyndaǵy №1 mektep-gımnazıasynyń atalǵan synybynyń jas polıseıleri de atsalysty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Óz ómirlerin ózgeler úshin qaterge tigip, azamattar men qoǵam tynyshtyǵy úshin bel sheshpeı eńbek etetin tártip saqshylarynyń qyzmeti shyn máninde aıtýǵa, maqtanýǵa, úlgi tutýǵa turarlyq. Bul rette táýelsizdiktiń alǵashqy jyldarynda beıbit turǵyndardyń tynyshtyǵyn kúzetýde eren eńbek etip, İshki İster organdarynda qyzmet atqarý kezinde qaza tapqan polısıa polkovnıgi Ábdiǵappar Berdiqululynyń esimimen atalatyn jas polıseıler synyby ashylǵan.

Olar aýdandyq «Jastar resýrstyq ortalyǵy» mekemesimen birge ortalyq saıabaq aýmaǵyna túrli dekoratıvti kóshetter otyrǵyzyp, tazalyq jumystaryn júrgizdi.

– Biz bilim alýshylar arasyndaǵy meıirimdilik pen izgiliktiń, memlekettik oı-óris rýhynda, jaýapkershilikti óz moıyndaryna alýda, bastamashyl, derbes, jedel kósbasshylyq qasıetterdi meńgerýde, bilimdi, mádenıetti, aqyldy, kózqarastary kemel, úlken isterge qabiletti bolýda, tabıǵatty, otandy qasterleýde ózgelerge úlgi bolýymyz kerek. Jas polıseıler sapyna qabyldanǵan árbirimiz muny jaqsy bilemiz, – degen polısıa synybynyń músheleri aldaǵy ýaqyttarda qatarlastaryn týǵan jerdiń tazalyǵyn saqtap, senbilik jumystaryna júıeli túrde belsendi qatysýǵa jumyldyrýǵa ýáde etti.