جەتىساي اۋدانىنىڭ اكىمى سەرىك مامىتوۆتىڭ قاتىسۋىمەن وتكەن «تازا قازاقستان» رەسپۋبليكالىق ەكولوگيالىق سەنبىلىككە جەتىساي قالاسىنداعى «م.گوركيي» اتىنداعى №1 مەكتەپ-گيمنازياسىنىڭ اتالعان سىنىبىنىڭ جاس پوليسەيلەرى دە اتسالىستى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ءوز ومىرلەرىن وزگەلەر ءۇشىن قاتەرگە تىگىپ، ازاماتتار مەن قوعام تىنىشتىعى ءۇشىن بەل شەشپەي ەڭبەك ەتەتىن ءتارتىپ ساقشىلارىنىڭ قىزمەتى شىن مانىندە ايتۋعا، ماقتانۋعا، ۇلگى تۇتۋعا تۇرارلىق. بۇل رەتتە تاۋەلسىزدىكتىڭ العاشقى جىلدارىندا بەيبىت تۇرعىنداردىڭ تىنىشتىعىن كۇزەتۋدە ەرەن ەڭبەك ەتىپ، ىشكى ىستەر ورگاندارىندا قىزمەت اتقارۋ كەزىندە قازا تاپقان پوليسيا پولكوۆنيگى ءابدىعاپپار بەردىقۇل ۇلىنىڭ ەسىمىمەن اتالاتىن جاس پوليسەيلەر سىنىبى اشىلعان.
ولار اۋداندىق «جاستار رەسۋرستىق ورتالىعى» مەكەمەسىمەن بىرگە ورتالىق ساياباق اۋماعىنا ءتۇرلى دەكوراتيۆتى كوشەتتەر وتىرعىزىپ، تازالىق جۇمىستارىن جۇرگىزدى.
– ءبىز ءبىلىم الۋشىلار اراسىنداعى مەيىرىمدىلىك پەن ىزگىلىكتىڭ، مەملەكەتتىك ءوي-ورىس رۋحىندا، جاۋاپكەرشىلىكتى ءوز مويىندارىنا الۋدا، باستاماشىل، دەربەس، جەدەل كوسباسشىلىق قاسيەتتەردى مەڭگەرۋدە، ءبىلىمدى، مادەنيەتتى، اقىلدى، كوزقاراستارى كەمەل، ۇلكەن ىستەرگە قابىلەتتى بولۋدا، تابيعاتتى، وتاندى قاستەرلەۋدە وزگەلەرگە ۇلگى بولۋىمىز كەرەك. جاس پوليسەيلەر ساپىنا قابىلدانعان ءاربىرىمىز مۇنى جاقسى بىلەمىز، – دەگەن پوليسيا سىنىبىنىڭ مۇشەلەرى الداعى ۋاقىتتاردا قاتارلاستارىن تۋعان جەردىڭ تازالىعىن ساقتاپ، سەنبىلىك جۇمىستارىنا جۇيەلى تۇردە بەلسەندى قاتىسۋعا جۇمىلدىرۋعا ۋادە ەتتى.
