Jetisaida jappai senbilik sharasy ótti
Jetisai aýdany ákimdiginiń uiymdastyrýymen jappai qalalyq senbilik ótti. Tań alakeýimnen kúrek, qalaq, sypyrǵy ustaǵan aýdan, qala ákimdiginiń 14 bóliminiń 300-ge jýyq qyzmetkerleri qala ortalyǵyndaǵy saiabaq pen ortalyq alańdy qoqystan tazartyp, shópterin shaýyp, ákteý-syrlaý jumystaryn júrgizdi. Arnaiy kólikter qoqystardy qala syrtyna shyǵardy.
«Aýdan ákimi Jamantai Beisenbaevtyń tapsyrmasymen senbilik apta saiyn uiymdastyrylýda. Ondaǵy maqsat – qalamyzdy taza ári kórikte etip ustaý. Endi birer kúnde qalamyzda úlken is-sharalar ótkizý josparlanyp otyr. Sonyń eń mańyzdysy – «Qaýynfest» festivali. Osyǵan orai qalamyzdyń negizgi úlken kósheleriniń boilary kúl –qoqystan tazartylyp, aryq-atyzdarǵa aǵyn sý jiberilýde. Sondai-aq, ortalyq saiabaqtaǵy shópter shabylyp, turǵyndar serýendeitin joldarǵa asfalt tóselýde», - deidi Jetisai qalasy ákiminiń mindetin atqarýshy Qadyrbek Smailov.
Senbilik qalanyń ózge aimaqtarynda da jalǵasyn tapty. Atap aitsaq, Abai, Dairashov, Baibotaev, Áýezov, Amangeldi kóshelerinde qyza tústi. Senbilikke memlekettik qyzmetkerlerden bólek, qala turǵyndary da atsalysty. Aldaǵy ýaqytta da bul shara jalǵasyn tabatyn bolady. Jetisai qalasynyń aýmaǵyn kóriktendirý, sanitarlyq tazalaý jáne kógaldandyrý maqsatynda arnaiy kólikter bólinip, kommýnaldyq sharýashylyq mekemeleriniń tehnikalyq múmkindikterin jaqsartý josparda bar.
Jetisai aýdany ákiminiń baspasóz qyzmeti
