جەتٸسايدا جاپپاي سەنبٸلٸك شاراسى ٶتتٸ
جەتٸساي اۋدانى ەكٸمدٸگٸنٸڭ ۇيىمداستىرۋىمەن جاپپاي قالالىق سەنبٸلٸك ٶتتٸ. تاڭ الاكەۋٸمنەن كٷرەك, قالاق, سىپىرعى ۇستاعان اۋدان, قالا ەكٸمدٸگٸنٸڭ 14 بٶلٸمٸنٸڭ 300-گە جۋىق قىزمەتكەرلەرٸ قالا ورتالىعىنداعى ساياباق پەن ورتالىق الاڭدى قوقىستان تازارتىپ, شٶپتەرٸن شاۋىپ, ەكتەۋ-سىرلاۋ جۇمىستارىن جٷرگٸزدٸ. ارنايى كٶلٸكتەر قوقىستاردى قالا سىرتىنا شىعاردى.
«اۋدان ەكٸمٸ جامانتاي بەيسەنباەۆتىڭ تاپسىرماسىمەن سەنبٸلٸك اپتا سايىن ۇيىمداستىرىلۋدا. ونداعى ماقسات – قالامىزدى تازا ەرٸ كٶرٸكتە ەتٸپ ۇستاۋ. ەندٸ بٸرەر كٷندە قالامىزدا ٷلكەن ٸس-شارالار ٶتكٸزۋ جوسپارلانىپ وتىر. سونىڭ ەڭ ماڭىزدىسى – «قاۋىنفەست» فەستيۆالٸ. وسىعان وراي قالامىزدىڭ نەگٸزگٸ ٷلكەن كٶشەلەرٸنٸڭ بويلارى كٷل –قوقىستان تازارتىلىپ, ارىق-اتىزدارعا اعىن سۋ جٸبەرٸلۋدە. سونداي-اق, ورتالىق ساياباقتاعى شٶپتەر شابىلىپ, تۇرعىندار سەرۋەندەيتٸن جولدارعا اسفالت تٶسەلۋدە», - دەيدٸ جەتٸساي قالاسى ەكٸمٸنٸڭ مٸندەتٸن اتقارۋشى قادىربەك سمايلوۆ.
سەنبٸلٸك قالانىڭ ٶزگە ايماقتارىندا دا جالعاسىن تاپتى. اتاپ ايتساق, اباي, دايراشوۆ, بايبوتاەۆ, ەۋەزوۆ, امانگەلدٸ كٶشەلەرٸندە قىزا تٷستٸ. سەنبٸلٸككە مەملەكەتتٸك قىزمەتكەرلەردەن بٶلەك, قالا تۇرعىندارى دا اتسالىستى. الداعى ۋاقىتتا دا بۇل شارا جالعاسىن تاباتىن بولادى. جەتٸساي قالاسىنىڭ اۋماعىن كٶرٸكتەندٸرۋ, سانيتارلىق تازالاۋ جەنە كٶگالداندىرۋ ماقساتىندا ارنايى كٶلٸكتەر بٶلٸنٸپ, كوممۋنالدىق شارۋاشىلىق مەكەمەلەرٸنٸڭ تەحنيكالىق مٷمكٸندٸكتەرٸن جاقسارتۋ جوسپاردا بار.
جەتٸساي اۋدانى ەكٸمٸنٸڭ باسپاسٶز قىزمەتٸ
