«اۋدان اكىمى جامانتاي بەيسەنبايەۆتىڭ تاپسىرماسىمەن سەنبىلىك اپتا سايىن ۇيىمداستىرىلۋدا. ونداعى ماقسات – قالامىزدى تازا ءارى كورىكتە ەتىپ ۇستاۋ. ەندى بىرەر كۇندە قالامىزدا ۇلكەن ءىس-شارالار وتكىزۋ جوسپارلانىپ وتىر. سونىڭ ەڭ ماڭىزدىسى – «قاۋىنفەست» فەستيۆالى. وسىعان وراي قالامىزدىڭ نەگىزگى ۇلكەن كوشەلەرىنىڭ بويلارى كۇل –قوقىستان تازارتىلىپ، ارىق-اتىزدارعا اعىن سۋ جىبەرىلۋدە. سونداي-اق، ورتالىق ساياباقتاعى شوپتەر شابىلىپ، تۇرعىندار سەرۋەندەيتىن جولدارعا اسفالت توسەلۋدە»، - دەيدى جەتىساي قالاسى اكىمىنىڭ مىندەتىن اتقارۋشى قادىربەك سمايلوۆ.
سەنبىلىك قالانىڭ وزگە ايماقتارىندا دا جالعاسىن تاپتى. اتاپ ايتساق، اباي، دايراشوۆ، بايبوتايەۆ، اۋەزوۆ، امانگەلدى كوشەلەرىندە قىزا ءتۇستى. سەنبىلىككە مەملەكەتتىك قىزمەتكەرلەردەن بولەك، قالا تۇرعىندارى دا اتسالىستى. الداعى ۋاقىتتا دا بۇل شارا جالعاسىن تاباتىن بولادى. جەتىساي قالاسىنىڭ اۋماعىن كورىكتەندىرۋ، سانيتارلىق تازالاۋ جانە كوگالداندىرۋ ماقساتىندا ارنايى كولىكتەر ءبولىنىپ، كوممۋنالدىق شارۋاشىلىق مەكەمەلەرىنىڭ تەحنيكالىق مۇمكىندىكتەرىن جاقسارتۋ جوسپاردا بار.
جەتىساي اۋدانى اكىمىنىڭ باسپا ءسوز قىزمەتى
