Qala, kent, aýyldyq okrýgterge qarasty 112 eldi mekenniń 105-i ortalyqtandyrylǵyn aýyz sý júiesimen qamtylǵan. Olarda 83 dana aýyz sý uńǵysy men 85 dana sý munarasy, 24 sý saqtaǵysh pen sanitarlyq qorǵaý aimaqtary talapqa sai jumys istep tur. Bir eldi mekende aýyz sý qubyry joq.
Jetisai qalasynyń aýyz sý júielerin qaita qurý jumystaryna ótken jyly – 272 mln. 289 myń teńge, Jańa aýyl aýyldyq okrýginiń Jańa aýyl, Qaroi, Yntymaq, Atakonys eldi mekenderin aýyz sýmen jabdyqtaý júielerin salý nysanyna respýblikalyq biýdjetten 1 mlrd. teńge qarjy bólinip, qurylys-montaj jumystary óndiristik kestege sáikes júrgizilýde.
Sonymen qatar Qazybek bi aýyldyq okrýginiń 2678 turǵyny bar Qurban ata eldi mekeniniń aýyz sý júielerin qaita qurý jumystaryna respýblikalyq biýdjetten 422 mln. 778 myń teńge, J.Eraliev aýyldyq okrýginiń 1967 turǵyny bar Seifýllin eldi mekeniniń aýyz sý júielerin qaita qurý jumystaryna respýblikalyq biýdjetten 610 mln. 613 myń teńge bólinip, merdiger mekemeni anyqtaý maqsatynda memlekettik satyp alý jumystary júrgizilýde.
Odan bólek, Maqtaly aýyldyq okrýginiń Sarqyrama, Darhan, Tyń, Altynsarin, J.Eraliev aýyldyq okrýginiń Jazyqsai, Qyzylqum aýyldyq okrýginiń Qyzylqum eldi mekenderiniń aýyz sý júielerin aǵymdaǵy jóndeý jumystaryn júrgizýge biylǵy jylǵa aýdandyq biýdjetten 136 mln. 652 myń teńge, «Membarana», «Omega» qondyrǵylaryna jáne káriz júielerin aǵymdaǵy jóndeý jumystaryn júrgizýge aýdandyq biýdjetten 52 mln. 670 myń teńge bólingen. Bul jumystar Jetisai aýdanynyń ákimi Serik Mamytovtyń baqylaýynda.
Atqarylyp jatqan josparly jumystardyń nátijesinde jyl sońyna qarai aýdandaǵy ortalyqtandyrylǵan sý qubyrymen qamtylǵan eldi mekenderdiń sanyn 105-ke jetizý josparlanyp otyr.
