Túrkistan oblysy ákiminiń orynbasary Nurbol Turashbekov Jetisai aýdanyna jasaǵan issapary barysynda «Kiikbai Stroi Servis» JShS tarapynan júrgizilip jatqan tik drenajdy uńǵymalardyń qurylysymen tanysty, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Negizgi tabysy men kún kóris kózi agrosektormen tikelei bailanysty aýdanda sońǵy 10 jylda aýyl sharýashylyǵy daqyldarynyń ónimi men sapasy tómendegen. Bul aýdan aýmaǵynda ornalasqan 380 dana tik drenajdy uńǵymalarynyń 210 danasynyń isten shyǵyp, jerasty sýy deńgeiiniń kóterilýimen tikelei bailanysty.
Aýdandaǵy jalpy aýmaǵy 16 010 gektar aýmaqta ornalasqan 97 dana drenajdy, naqtyraǵy, Maqtaly aýyldyq okrýgindegi 7932 gektar alqapty qamtityn 47 dana, Qyzylqum aýyldyq okrýgindegi 5766 gektar alqapty qamtityn 41 dana jáne Abai aýyldyq okrýginiń 2312 gektar alqabyn qamtityn 9 dana drenajdyń qurylysyn júrgizýi tiis «Kiikbai Stroi Servis» JShS mekemesi búginde 46 dana jańa tik drenajdy uńǵymalardy burǵylaǵan.
Nurbol Ábdisattaruly sala mamandarymen júzdesý barysynda memlekettik qarjy esebinen júzege asyp jatqan jobalardyń sapasy men óndiristik kestege sai júrgizilýin tapsyrdy.
Ótken jyldyń qazan aiynda QR Sý resýrstary jáne irrigatsiia ministrligi «QazSýshar» RMK tapsyrysymen «Islam Damý Banki» qarjysy esebinen bastalǵan 210 tik drenajdy uńǵymalardy qaita qalpyna keltirý jumystary 2026 jyly tolyǵymen aiaqtalyp, el igiligine tapsyrylady dep kútilýde. Búginde 210 tik drenajdy uńǵymanyń 141-i qalpyna keltirilgen.
