Mańǵystaý oblysyndaǵy Jetibai kentinde TechnoTrading LTD kompaniiasynyń ondaǵan jumysshysy toqsan saiyn beriletin syiaqyny tóleýdi, jalaqylaryn kóterýdi, jumysshylardy qýdalaýdy toqtatýdy talap etip, jumysty toqtatty.
Techno Trading LTD kásipornynda elektrik bolyp isteitin Erlan Kenjebektiń habarlaýynsha, jumysshylar 1 maýsymnan bastap jumysqa shyqpaǵan. Jumysshylar Jetibai jáne Qyzyltóbe aýyldarynda tórt tsehtyń jumysy toqtap turǵanyn, ár tsehta 50-ge deiin jumysshy baryn aitady.
Jumysshylar jalaqysyn 35 paiyzǵa kóbeitýdi, toqsandyq syiaqylaryn berýdi, jumysshylardy qýdalaýdy toqtatýdy talap etedi. Olar sonymen qatar kompaniiada radiatsiia, tseh ishindegi qaýipti jerlerdiń jóndelmeýi siiaqty qaýipti faktorlar eskerilmeidi deidi.
Techno Trading kompaniiasyndaǵy jumysshylar narazylyǵy byltyrdan beri jalǵasyp keledi. Birneshe márte miting ótkizgen jumysshylar jumys oryndaryn qysqartpaýdy, áleýmettik tólemder men toqsandyq syiaqylaryn turaqty tóleýdi, jalaqyny kóbeitýdi, narazylyq sharasynan keiingi qysymdy toqtatýdy talap etken.
Narazylyq aktsiiasynan soń alty jumysshyny jumystan bosatqan. Olardyń qaita jumysqa alý jónindegi shaǵymyn qaraǵan Munaily aýdandyq soty kompaniia basshylyǵynyń buiryǵyn qýattap sheshim shyǵarǵan.
Al mekeme basshylyǵy jýrnalisterge túsinikteme berýden bas tartqan.
