Jeti aida Shymkentte 1500 páter paidalanýǵa berildi
Tamyz aiynda Shymkent siti shaǵyn aýdanynda 10,5 myń sharshy metrdi quraityn 160 páterli 4 úi tapsyrylady dep josparlanýda.
Biyl jalpy 612 myń sharshy metr turǵyn úidi paidalanýǵa berý josparlanǵan. Atqarylǵan jumystardyń nátijesinde jeti aida paidalanýǵa tapsyrylǵan turǵyn úilerdiń jalpy aýdany 299,86 myń sharshy metrge jetip, ótken jyldyń sáikes kezeńimen salystyrǵanda qurylys kólemi 1,6 esege artqan.
«Nurly jer» memlekettik baǵdarlamasymen aýdany 1 mln sharshy metr 262 kópqabatty turǵyn úi salynýda. Onyń ishinde, qurylys basqarmasy arqyly biýdjet esebinen 92 turǵyn úi qurylysy júrip jatyr.
Shymkenttegi turǵyn úi qurylysy 2 baǵytta, iaǵni kreditttik jáne arendalyq túrde halyqqa berilip jatyr.
Sonymen, Ákimshilik-iskerlik ortalyǵynda, Shymkent siti jáne Turan shaǵyn aýdandarynda 80 kredittik turǵyn úidiń qurylysy júrgizilýde. Biyl 51 kredittik turǵyn úi turǵyndar igiligine usynylady. Nátijesinde, 3 284 azamat qol jetimdi baǵamen baspana satyp alý múmkindigine ie bolady.
Basqarma mamandarynyń sózinshe, budan bólek naryqtan 696 páter satyp alynady. Nátijesinde, páter kezeginde turǵan 1 144 azamat arendalyq páterge ie bolady. Onyń ishinde kópbalaly otbasylar – 450, áleýmettik osal toptar – 394 jáne 300 jumys jasaýshy jastarǵa beriledi.
