تامىز ايىندا شىمكەنت سيتي شاعىن اۋدانىندا 10،5 مىڭ شارشى مەتردى قۇرايتىن 160 پاتەرلى 4 ءۇي تاپسىرىلادى دەپ جوسپارلانۋدا.
بيىل جالپى 612 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان. اتقارىلعان جۇمىستاردىڭ ناتيجەسىندە جەتى ايدا پايدالانۋعا تاپسىرىلعان تۇرعىن ۇيلەردىڭ جالپى اۋدانى 299،86 مىڭ شارشى مەترگە جەتىپ، وتكەن جىلدىڭ سايكەس كەزەڭىمەن سالىستىرعاندا قۇرىلىس كولەمى 1،6 ەسەگە ارتقان.
«نۇرلى جەر» مەملەكەتتىك باعدارلاماسىمەن اۋدانى 1 ملن شارشى مەتر 262 كوپقاباتتى تۇرعىن ءۇي سالىنۋدا. ونىڭ ىشىندە، قۇرىلىس باسقارماسى ارقىلى بيۋدجەت ەسەبىنەن 92 تۇرعىن ءۇي قۇرىلىسى ءجۇرىپ جاتىر.
شىمكەنتتەگى تۇرعىن ءۇي قۇرىلىسى 2 باعىتتا، ياعني كرەديتتتىك جانە ارەندالىق تۇردە حالىققا بەرىلىپ جاتىر.
سونىمەن، اكىمشىلىك-ىسكەرلىك ورتالىعىندا، شىمكەنت سيتي جانە تۇران شاعىن اۋداندارىندا 80 كرەديتتىك تۇرعىن ءۇيدىڭ قۇرىلىسى جۇرگىزىلۋدە. بيىل 51 كرەديتتىك تۇرعىن ءۇي تۇرعىندار يگىلىگىنە ۇسىنىلادى. ناتيجەسىندە، 3 284 ازامات قول جەتىمدى باعامەن باسپانا ساتىپ الۋ مۇمكىندىگىنە يە بولادى.
باسقارما ماماندارىنىڭ سوزىنشە، بۇدان بولەك نارىقتان 696 پاتەر ساتىپ الىنادى. ناتيجەسىندە، پاتەر كەزەگىندە تۇرعان 1 144 ازامات ارەندالىق پاتەرگە يە بولادى. ونىڭ ىشىندە كوپبالالى وتباسىلار – 450، الەۋمەتتىك وسال توپتار – 394 جانە 300 جۇمىس جاساۋشى جاستارعا بەرىلەدى.
