Jerge ózgeplanetalyqtar basqara alady degen ǵarysh nysany jaqyndap keledi, dep habarlaidy Dalanews.kz.
Kún júiesinde oǵash traektoriiamen qozǵalyp kele jatqan juldyzaralyq 3I/ATLAS nysany onyń jasandy shyǵý tegin boljaýǵa sebep bolýda. Bul týraly Garvard ýniversitetiniń astrofizigi Avi Leb óziniń blogynda habarlady.
«Ókinishke qarai, dál osy qolaily sátte biz Jerden 3I/ATLAS nysanyn baqylai almaimyz. Bul onyń traektoriiasy sheteldik aqyl iesi tarapynan dál eseptelgen be degen suraq týǵyzady», - dep jazdy Avi Leb óz saitynda.
Ǵalym Kún júiesiniń jartysyn eńserip úlgergen nysannyń jańa traektoriiasy onyń tabiǵi emes shyǵý tegine qatysty kúmándi kúsheitip otyrǵanyn atap ótti.
Astrofiziktiń pikirinshe, nysannyń baiqalǵan parametrleri qosymsha zertteýdi qajet etedi.
«Negizgi suraq - 3I/ATLAS syrttai tabiǵi kometaǵa uqsaityn, biraq óz ishinde áleýetti qaýip tóndiretin “troian jylqysy” emes pe?» - dep túsindirdi Leb.
Ol sondai-aq nysannyń jaqynda Ober manevrin - iaǵni qozǵalys baǵytyn gravitatsiialyq óris esebinen ózgertetin kezeńin - oryndaitynyn aitty. Ǵalymnyń aitýynsha, nysan bul manevrge erekshe, qalyptan tys tásilmen jaqyndap keledi.
Avi Lebtiń esebinshe, juldyzaralyq 3I/ATLAS nysany 2025 jylǵy 19 jeltoqsanda Jerge eń jaqyn - 267 million shaqyrym qashyqtyqqa deiin jaqyndaidy. Sol kezde onyń traektoriiasy tolyqtai gravitatsiialyq sipatqa ie bolyp, jańa ǵylymi derekter alýǵa jáne jasandy shyǵý tegi týraly gipotezany joqqa shyǵarýǵa múmkindik beredi.
Ǵylymi qaýymdastyq bul kometanyń basqa da erekshe qasietterin talqylaýda. Buǵan deiin Leb 3I/ATLAS túsiniń anomaldi ózgerisin atap ótken jáne nysannyń ózdiginen jaryq shyǵara alatynyn, bul qalypty kometalardyń jarqyraýyna uqsamaitynyn boljaǵan edi.
3I/ATLAS alǵash ret 2025 jylǵy 1 shildede anyqtalǵan. Keiin mamandar onyń iadrosyn qorshaǵan gaz ben shań bultynyń (komasy) diametri 24 shaqyrymǵa jetetinin anyqtady.
Kompiýterlik modeldeý nátijeleri boiynsha, nysannyń jasy 7,5 milliard jyldan asady - bul bizdiń Kúnnen shamamen úsh milliard jylǵa úlken, sondyqtan 3I/ATLAS adamzat ǵylymyna belgili eń ejelgi kometalardyń biri bolýy múmkin.
