جەرگە ٶزگەپلانەتالىقتار باسقارا الادى دەگەن عارىش نىسانى جاقىنداپ كەلەدٸ, دەپ حابارلايدى Dalanews.kz.
كٷن جٷيەسٸندە وعاش تراەكتورييامەن قوزعالىپ كەلە جاتقان جۇلدىزارالىق 3I/ATLAS نىسانى ونىڭ جاساندى شىعۋ تەگٸن بولجاۋعا سەبەپ بولۋدا. بۇل تۋرالى گارۆارد ۋنيۆەرسيتەتٸنٸڭ استروفيزيگٸ اۆي لەب ٶزٸنٸڭ بلوگىندا حابارلادى.
«ٶكٸنٸشكە قاراي, دەل وسى قولايلى سەتتە بٸز جەردەن 3I/ATLAS نىسانىن باقىلاي المايمىز. بۇل ونىڭ تراەكتوريياسى شەتەلدٸك اقىل يەسٸ تاراپىنان دەل ەسەپتەلگەن بە دەگەن سۇراق تۋعىزادى», - دەپ جازدى اۆي لەب ٶز سايتىندا.
عالىم كٷن جٷيەسٸنٸڭ جارتىسىن ەڭسەرٸپ ٷلگەرگەن نىساننىڭ جاڭا تراەكتوريياسى ونىڭ تابيعي ەمەس شىعۋ تەگٸنە قاتىستى كٷمەندٸ كٷشەيتٸپ وتىرعانىن اتاپ ٶتتٸ.
استروفيزيكتٸڭ پٸكٸرٸنشە, نىساننىڭ بايقالعان پارامەترلەرٸ قوسىمشا زەرتتەۋدٸ قاجەت ەتەدٸ.
«نەگٸزگٸ سۇراق - 3I/ATLAS سىرتتاي تابيعي كومەتاعا ۇقسايتىن, بٸراق ٶز ٸشٸندە ەلەۋەتتٸ قاۋٸپ تٶندٸرەتٸن “ترويان جىلقىسى” ەمەس پە?» - دەپ تٷسٸندٸردٸ لەب.
ول سونداي-اق نىساننىڭ جاقىندا وبەر مانەۆرٸن - ياعني قوزعالىس باعىتىن گراۆيتاتسييالىق ٶرٸس ەسەبٸنەن ٶزگەرتەتٸن كەزەڭٸن - ورىندايتىنىن ايتتى. عالىمنىڭ ايتۋىنشا, نىسان بۇل مانەۆرگە ەرەكشە, قالىپتان تىس تەسٸلمەن جاقىنداپ كەلەدٸ.
اۆي لەبتٸڭ ەسەبٸنشە, جۇلدىزارالىق 3I/ATLAS نىسانى 2025 جىلعى 19 جەلتوقساندا جەرگە ەڭ جاقىن - 267 ميلليون شاقىرىم قاشىقتىققا دەيٸن جاقىندايدى. سول كەزدە ونىڭ تراەكتوريياسى تولىقتاي گراۆيتاتسييالىق سيپاتقا يە بولىپ, جاڭا عىلىمي دەرەكتەر الۋعا جەنە جاساندى شىعۋ تەگٸ تۋرالى گيپوتەزانى جوققا شىعارۋعا مٷمكٸندٸك بەرەدٸ.
عىلىمي قاۋىمداستىق بۇل كومەتانىڭ باسقا دا ەرەكشە قاسيەتتەرٸن تالقىلاۋدا. بۇعان دەيٸن لەب 3I/ATLAS تٷسٸنٸڭ انومالدٸ ٶزگەرٸسٸن اتاپ ٶتكەن جەنە نىساننىڭ ٶزدٸگٸنەن جارىق شىعارا الاتىنىن, بۇل قالىپتى كومەتالاردىڭ جارقىراۋىنا ۇقسامايتىنىن بولجاعان ەدٸ.
3I/ATLAS العاش رەت 2025 جىلعى 1 شٸلدەدە انىقتالعان. كەيٸن ماماندار ونىڭ يادروسىن قورشاعان گاز بەن شاڭ بۇلتىنىڭ (كوماسى) ديامەترٸ 24 شاقىرىمعا جەتەتٸنٸن انىقتادى.
كومپيۋتەرلٸك مودەلدەۋ نەتيجەلەرٸ بويىنشا, نىساننىڭ جاسى 7,5 ميلليارد جىلدان اسادى - بۇل بٸزدٸڭ كٷننەن شامامەن ٷش ميلليارد جىلعا ٷلكەن, سوندىقتان 3I/ATLAS ادامزات عىلىمىنا بەلگٸلٸ ەڭ ەجەلگٸ كومەتالاردىڭ بٸرٸ بولۋى مٷمكٸن.
