Almatyda turǵyndar qańtarda jer silkinisin sezdi. Osy oqıǵadan keıin tótenshe jaǵdaı kezinde turǵyndarǵa erterek habarlaıtyn dabyl júıesi isten shyqqany týraly aqparat tarady. Keıin bul Antıkordyń nazaryna ilikkeni belgili boldy. Búgin brıfıńte tótenshe jaǵdaılar mınıstri Shyńǵys Árinovten Almatydaǵy jer silkinisin habarlaıty dabyl júıesine qatysty tergeý barysy týraly suraldy, - dep habarlaıdy Dalanews.kz.
Sý jańa mınıstr bul suraqqa mardymdy jaýap bermedi.
"Almaty Tótenshe jaǵdaı departamentine baılanysty 23 qańtardan keıingi is-qımyldarǵa qatysty tekseris júrgizilip jatyr Ázirge qorytyndy shyqqan joq. Tergeý barysy, nátıjeleri týraly aıaqtalǵannan keıin bilemiz. Tekseris dabyl júıesi boıynsha jáne osy júıeni satyp alý jónindegi is-qımyldarǵa baılanysty júrgiziledi", - dedi ol.
Buǵan deıin "Ádildik joly" qoǵamdyq birlestiginiń atqarýshy dırektory Dıdar Smaǵulov Facebook-te Almatydaǵy jer silkinisi týraly erterek habarlaýǵa jaýapty jáne bul qyzmeti úshin 1,1 mıllıard teńge alǵan kompanıa Nuraly Álıevke tıesili dep málimdegen bolatyn.
Al odan keıin Sybaılas jemqorlyqqa qarsy qyzmet ókili Almatydaǵy jer silkinisin habarlaıtyn dabyl júıesine qatysty tekseris bolatynyn málimdedi.
Tıisti ótinishti vedomstvonyń Almaty qalasyndaǵy departamenti tirkegen bolatyn.
