Jambyl oblysynyń turǵyny naýryzdaǵy jer silkinisin óndiristik kásiporynnyń qyzmetimen bailanystyrǵany úshin sotqa tartyldy, dep habarlaidy Dalanews.kz.
Ákimshilik quqyq buzýshylyq týraly is Ákimshilik kodekstiń 456-2-baby, 3-bóligi («Jalǵan aqparatty jelide taratý, ol qoǵamdyq tártipti buzýǵa nemese uiymnyń zańdy múddelerine qaýip tóndiretin jaǵdai týǵyzýy múmkin») boiynsha Turar Rysqulov aýdanynyń sotynda qaraldy.
Naýryz aiynyń sońynda aýdanda jer asty dúmpýleri sezilgen. Osyǵan bailanysty er adam Instagram paraqshasynda videoúndeý jariialap, jer silkinisin altyn óndiretin fabrikanyń qyzmetimen bailanystyrǵan.
– Sot barysynda azamat hattamamen kelispeitinin aityp, kinásin moiyndamady. Ol 2003 jyly Turar Rysqulov aýdanynda jer silkinisi bolyp, zardap kelgenin eske saldy. Qorqynyshtan Instagram jelisindegi paraqshasynda altyn óndiretin kásiporynda jarylys bolýy múmkin degen kúdigin jazǵan. Sot ony ákimshilik jaýapkershilikke tartýǵa negiz joq dep tapty, sebebi azamat óz azamattyq quqyǵyn júzege asyrǵan, – dep málimdedi sot.
