جامبىل وبلىسىنىڭ تۇرعىنى ناۋرىزداعى جەر سىلكىنىسىن وندىرىستىك كاسىپورىننىڭ قىزمەتىمەن بايلانىستىرعانى ءۇشىن سوتقا تارتىلدى، دەپ حابارلايدى Dalanews.kz.
اكىمشىلىك قۇقىق بۇزۋشىلىق تۋرالى ءىس اكىمشىلىك كودەكستىڭ 456-2-بابى، 3-بولىگى («جالعان اقپاراتتى جەلىدە تاراتۋ، ول قوعامدىق ءتارتىپتى بۇزۋعا نەمەسە ۇيىمنىڭ زاڭدى مۇددەلەرىنە ءقاۋىپ توندىرەتىن جاعداي تۋعىزۋى مۇمكىن») بويىنشا تۇرار رىسقۇلوۆ اۋدانىنىڭ سوتىندا قارالدى.
ناۋرىز ايىنىڭ سوڭىندا اۋداندا جەر استى دۇمپۋلەرى سەزىلگەن. وسىعان بايلانىستى ەر ادام Instagram پاراقشاسىندا ۆيدەوۇندەۋ جاريالاپ، جەر سىلكىنىسىن التىن وندىرەتىن فابريكانىڭ قىزمەتىمەن بايلانىستىرعان.
– سوت بارىسىندا ازامات حاتتامامەن كەلىسپەيتىنىن ايتىپ، كىناسىن مويىندامادى. ول 2003 جىلى تۇرار رىسقۇلوۆ اۋدانىندا جەر سىلكىنىسى بولىپ، زارداپ كەلگەنىن ەسكە سالدى. قورقىنىشتان Instagram جەلىسىندەگى پاراقشاسىندا التىن وندىرەتىن كاسىپورىندا جارىلىس بولۋى مۇمكىن دەگەن كۇدىگىن جازعان. سوت ونى اكىمشىلىك جاۋاپكەرشىلىككە تارتۋعا نەگىز جوق دەپ تاپتى، سەبەبى ازامات ءوز ازاماتتىق قۇقىعىن جۇزەگە اسىرعان، – دەپ مالىمدەدى سوت.
