(Jer reformasy jónindegi respýblikalyq komissiianyń tóraǵasy B.Saǵyntaevtyń jáne komissiia músheleri Dos Kóshim, Januzaq Ákim, Aidos Sarym, Muhtar Taijannyń nazaryna!)
Eń aldymen aityp qoiaiyn, óz basym jerdi sheteldik kompaniialarǵa jalǵa berýge de, qazaqstandyqtarǵa satýǵa da túbegeili qarsymyn!
Jer reformasy jónindegi respýblikalyq komissiianyń Kókshetaý qalasynda ótken kezekti otyrysynda Aqmola oblysynyń ákimi Sergei Kýlaginnen komissiianyń múshesi Muhtar Taijan naqty qansha jeri bar ekenin aitýdy ótindi. «Barlyǵy búginde 80 myń gektar egistik jer bar», - dedi Sergei Kýlagin.
Al, www.dalanews.kz saiyty "Keibir derekterde Kýlaginniń jeri million gektarǵa taiaý ekeni aitylady" -dep jazypty.
[caption id="attachment_16293" align="alignright" width="373"]
Komissiianyń taǵy bir múshesi Myrzatai Joldasbekov aqsaqal Jerdi sheteldik kompaniialarǵa jalǵa berý jáne qazaqstandyqtarǵa satý týraly: «Men oilaimyn, basymyzǵa sonshama ne kún týdy ózi? Osy jer qazaqtyń jeri ǵoi. Jigitter aityp jatyr ǵoi, qalada turatyndarǵa 10 sotyq jer berse, anaý aýylda turatyndarǵa 25 sotyq jer ózine berse. Myna qarapaiym halyq zańnan qorqyp turǵan joq, zańsyzdyqtan qorqyp otyr. Ábden zapy jep qalǵan, opyq jep qalǵan bular… Biledi kimniń alatynyn. Baiaǵy baiyǵandar alady, sosyn bilik basyndaǵylar degen siiaqty» -dep, emeshegi ezile otyryp, óz alańdaýshylyǵyn bildiripti.
Al, endi sol Myzekeńniń 2004 jyly 27 qyrkúiekte jazǵan kúndeliginen myna bir úzindini oqyp kórelik.
«Aýylda alty kún jatyp, 21 gektar shabyndyqty qorshattym. Árbir 3.5m. saiyn metall trýba tiktedik. Bas-aiaǵy úsh shaqyrymnan artyq uzyndyqqa uia qazyp, trýbany betonǵa ornatý, belinen úsh qabat sym orap, ony bekitý ońaiǵa túsken joq. Eki kúnde-aq bitiremin goi dep qaladan tórt jigit jaldap, jetkilikti bolsyn dep 4 tonna tsement, árbir burylysqa myqty bolsyn dep ornatý úshin 16 jýan trýba alyp keldim. Jer qatty, uiasyn qazý ońaiǵa túspedi. Sóitip, tańnyń atysy, kúnniń batysy alty kún júrdik» (Myrzatai Joldasbekov, «Kúnderimniń kýási» kitaby, 261-bet. «Kúltegin» baspasy, 2007 jyl).
Demek, jer aldaǵy kúnderde qazaqstandyqtarǵa satylymǵa shyǵarylyp jatsa mynany bilgenimiz durys, «alady» emes, baiyǵandar men bilik basyndaǵylar 80 myń gektardan bastap, 21 gektarǵa deiin áldeqashan alyp, ushqan shybyn kirmestei etip qorshap qoiǵan.
Sol úshin endi ne isteý kerek?!
Mindetti túrde memleket kóleminde Sergei Kýlaginnen bastap, Myrzatai Joldasbekovke deiin túbegeili JER REFORMASYN júrgizip, «JER TÝRALY» Zańdy qaita qaraǵan durys!!
Ol úshin eń aldymen Jer reformasy jónindegi respýblikalyq komissiianyń endigi otyrysynda komissiianyń tóraǵasy, Qazaqstan Respýbilikasy Premer-ministriniń birinshi orynbasary Baqytjan Saǵyntaev myrzadan bastap Janarbek Áshimjanǵa deiingi komissiianyń 75 múshesi ózderiniń menshiginde naqty qansha gektardan jeri bar ekendigin halyq aldynda ashyq jariialaýy tiis!
Sosyn 10 gektardan artyq jeri bar búkil qazaqstandyqtar anyqtalýy tiis! Sodan keiin baryp, «Jer týraly» Zańǵa ózgertýler men tolyqtyrýlar engizse kiriske abzal.
Endi «Jer týraly» Zańǵa bailanysty naqty usynysymdy aitaiyn.
1. Jer memlekettiń menshiginde bolý kerek;
2. Jerdi tek bir ǵana mekeme – Aýyl sharýashylyǵy ministrligi nemese Ulttyq ekonomika ministrligi basqarsyn;
3. Aýdandar men aýyldarǵa ózine qarasty jerdi ózi basqarý quqyǵyn berilsin;
4. Jer tek ár aýdan men aýyldyń turaqty tirkeýde turǵan turǵyndary ǵana uzaq merzimge jalǵa ala alatyn bolsyn;
5. Aýdandar men aýyldar óz jaǵdailaryna, jer kólemine qarai otyryp, azamattarǵa beriletin sharýashylyq jáne jaiylymdyq jer kóleminiń eń tómengi jáne eń joǵarǵy kólemin, memleket belgilegen ólshemdi negizge ala otyryp, ózderi belgilesin;
6. Barlyq aýyldar men aýdandardyń sharýashylyq jáne jaiylymdyq jer kóleminiń eń keminde 10 paiyzy shetten kóship keletin oralmandarǵa qorǵa qaldyrylsyn;
7. Jer otandyq kompaniialarǵa jalǵa berilgen jaǵdaida, ol kompaniia memleket belgilep bergen ólshemge sai etip sol jerge ielik etetin aýyldyń infraqurylymyn damytýǵa mindettelsin;
8. Jerdi uzaq merzimge jalǵa alǵannan keiin ol otbasynyń sol merzim bitkenge deiin týǵan balasyna jer berilmesin, qaitys bolǵan adamynyń jeri qaitarylyp alynbasyn, uzatylǵan qyzdyń jeri tórkininde qalsyn!
(Usynys jalǵasty tolyqtyrylady)
Aýyt Muqibektiń feisbýktegi paraqshasynan alyndy
04.06.2016
Astana
