Jer Jánnaty Jetisýda kóptegen týristik oryndar bar. Olardyń ishindegi marjany – Alakól. Sondyqtan kóldiń jaǵalaýyndaǵy injenerlik infraqurylymdy damytýǵa kóp kóńil bólinýde.
Búginde munda áýejai salynyp, temirjol bailanysy ornatyldy. Aqshi aýylyna aparatyn 23 km jol tóseldi.
Týristerge arnap jasalǵan jaǵdai nátijesinde bir maýsymda demalýshylar sany 1,3 mln adamnan asady. Jyl saiyn týrister sany artyp keledi. Biz Alakól jaǵalýyn damytý jumystaryn jalǵastyra beremiz. Men ótken aptada Premer-Ministr Asqar Maminnyń qabyldaýynda boldym. Iskerlik kezdesýde Almaty oblysyndaǵy birqatar máseleler aityldy. Onyń ishinde Úsharal áýejaiyndaǵy ushý-qoný jolaǵyn qalpyna keltirý jáne tazartý qurylǵylary bar káriz júiesin salý jobalary qoldaý tapty. Sondai-aq, ózge de bastamalardy júzege asyrýǵa múmkindik týdy,- dep atap ótti Amandyq Batalov.
Aita ketý kerek, Almaty oblysynda taý klasterine de basymdyq berilmek. Bul maqsatta, Talǵar jáne Eńbekshiqazaq aýdandaryna taý shańǵysy kýrorty salynbaq.
