جەر ءجانناتى جەتىسۋدا كوپتەگەن تۋريستىك ورىندار بار. ولاردىڭ ىشىندەگى مارجانى – الاكول. سوندىقتان كولدىڭ جاعالاۋىنداعى ينجەنەرلىك ينفراقۇرىلىمدى دامىتۋعا كوپ كوڭىل بولىنۋدە.
بۇگىندە مۇندا اۋەجاي سالىنىپ، تەمىرجول بايلانىسى ورناتىلدى. اقشي اۋىلىنا اپاراتىن 23 كم جول توسەلدى.
تۋريستەرگە ارناپ جاسالعان جاعداي ناتيجەسىندە ءبىر ماۋسىمدا دەمالۋشىلار سانى 1،3 ملن ادامنان اسادى. جىل سايىن تۋريستەر سانى ارتىپ كەلەدى. ءبىز الاكول جاعالۋىن دامىتۋ جۇمىستارىن جالعاستىرا بەرەمىز. مەن وتكەن اپتادا پرەمەر-مينيستر اسقار ماميننىڭ قابىلداۋىندا بولدىم. ىسكەرلىك كەزدەسۋدە الماتى وبلىسىنداعى ءبىرقاتار ماسەلەلەر ايتىلدى. ونىڭ ىشىندە ءۇشارال اۋەجايىنداعى ۇشۋ-قونۋ جولاعىن قالپىنا كەلتىرۋ جانە تازارتۋ قۇرىلعىلارى بار كارىز جۇيەسىن سالۋ جوبالارى قولداۋ تاپتى. سونداي-اق، وزگە دە باستامالاردى جۇزەگە اسىرۋعا مۇمكىندىك تۋدى،- دەپ اتاپ ءوتتى اماندىق باتالوۆ.
ايتا كەتۋ كەرەك، الماتى وبلىسىندا تاۋ كلاستەرىنە دە باسىمدىق بەرىلمەك. بۇل ماقساتتا، تالعار جانە ەڭبەكشىقازاق اۋداندارىنا تاۋ شاڭعىسى كۋرورتى سالىنباق.
