Birjolǵy zeinetaqy tólemderin derbes, ia bolmasa jubaiy/zaiyby jáne/nemese jaqyn týystarynan alynǵan zeinetaqy tólemderin paidalana otyryp, qoldanýǵa bolady. Eger BJZQ salymshysy bul tólemderdi ózi qoldanýdy josparlamasa, onda ol olardy óziniń jaqyn týysyna jáne/nemese jubaiy/zaiybyna tabystai alady.
Birjolǵy zeinetaqy tólemderin Qazaqstan Respýblikasynyń zańnamasyna sáikes Qazaqstan Respýblikasynyń aýmaǵynda turǵyn úi jaǵdailaryn jaqsartý úshin mynadai maqsattarǵa paidalanýǵa jol beriledi:
1. Islam bankiniń qarjylandyrýy sheńberinde turǵyn úidi satyp alý, islam bankiniń turǵyn úi satyp alý jónindegi mámileni qarjylandyrýy sheńberinde bereshekti ishinara, tolyq óteý. Siz kez kelgen bankten nemese ipotekalyq kompaniiadan alynǵan turǵyn úidiń nemese banktiń bir nesielik kelisimsharty sheńberinde jóndeý júrgize otyryp turǵyn úi alý qaryzdary boiynsha bereshegińizdi ishinara nemese tolyq ótei alasyz. Sondai-aq, siz turǵyn úi qurylys jinaq júiesi boiynsha jeke turǵyn úi nemese jeke qosalqy sharýashylyq salý úshin jer telimin alýdy qosa alǵandaǵy nesieni tólei alasyz.
2. Ipotekasyz turǵyn úi alý (tolyq óteý). Siz páter, jeke úi, jataqhanadan bólme satyp ala alasyz. Turǵyn úidi bastapqy nemese qaitalama naryqta, sondai-aq salynyp jatqan nysandardan QR zańnamasyna sáikes, turǵyn úi qurylysyna úlestik qatysý týraly kepildigi bar, jekeshelendirý, bólip tóleý, aiyrbastaý sharttary boiynsha kóp páterli turǵyn úidegi úlesti berý týraly kelisimshart arqyly satyp alýǵa bolady. Osy maqsatta turǵyn úidi zeinetaqy jinaqtary esebinen de, zeinetaqy men jeke qarajat esebinen de satyp alýǵa bolady.
3. Otbasy bankinde turǵyn úi qurylys jinaq júiesi boiynsha ipotekalyq turǵyn úi zaimyn alý. Siz páter, jeke úi, jataqhanadan bólme satyp ala alasyz. Turǵyn úidi bastapqy nemese qaitalama naryqtan satyp alýǵa bolady. Sondai-aq, banktiń bir nesie sharty sheńberinde jóndeý jumystaryn qosa eseptegende turǵyn úi satyp alýǵa nemese jeke turǵyn úi salýǵa bolady (jeke turǵyn úi salý nemese jeke qosalqy sharýashylyq salý maqsattarymen jer ýchaskesin qosa alǵanda).
4. Ipotekalyq nesie alý úshin bastapqy jarna tóleý (onyń ishinde islam banki qarjylandyrý sheńberinde). Siz páter, jeke úi, jataqhanadan bólme satyp ala alasyz. Turǵyn úidi bastapqy nemese qaitalama naryqtan alýǵa bolady. Sondai-aq, banktiń bir nesie sharty aiasynda siz jóndeý jumystaryn qosa eseptegende turǵyn úi satyp ala alasyz.
5. Turǵyn úi qurylysy baǵdarlamalary men daǵdarysqa qarsy baǵdarlamalar sheńberinde berilgen satyp alý quqyǵymen turǵyn úidi uzaq merzimdi jaldaý sharttary boiynsha bereshekti ishinara nemese tolyq óteý.
6. Jeke turǵyn úi qurylysy (jer ýchaskesin alýdy qosa eseptegende). Siz zeinetaqy jinaqtary esebinen nemese zeinetaqy jinaqtary jáne óz qarajatyńyz esebinen jeke turǵyn úi salýyńyzǵa bolady (jeke turǵyn úi salý nemese jeke qosalqy sharýashylyq salý maqsattarymen jer ýchaskesin qosa alǵanda).
7. Ipotekalyq turǵyn úi zaemyn qaita qarjylandyrý. Basqa bankterden turǵyn úi satyp alýǵa (jóndeý jumystaryn qosa eseptegende), jeke turǵyn úi qurylysyna (jer ýchaskesin qosa eseptegende) arnalǵan ipotekalyq nesielerdi "Otbasy bankinde" qaita qarjylandyrýǵa bolady.
Ótinish bermesten buryn, qoldanylý merzimi aiaqtalmaǵan, qyzmet alýǵa jaramdy elektrondyq tsifrlyq qoltańba (ETsQ) bolý qajet. Zeinetaqy jinaqtarynyń qoljetimdi kólemin QR BJZQ portalynan naqtylaýǵa bolady.
Turǵyn úi jaǵdaiyn jaqsartýǵa jáne (nemese) emdelý aqysyn tóleýge arnalǵan birjolǵy zeinetaqy tólemderin erejelerde belgilengen ár túrli maqsattarǵa shekteýsiz ret paidalanýǵa bolady.
Operatordyń internet-resýrsynda ESQ nemese basqa elektrondy quraldar arqyly avtorizatsiiadan ótý qajet. Ózińizdiń jeke kabinetińizdi ashyp, arnaiy shotqa ótinish berińiz.
Arnaiy shot ashqannan keiin arnaiy shottyń nómirin, paidalaný maqsatyn, qolda bar somany, jeke tabys salyǵyn ustaý jáne aýdarý tásilderin kórsete otyryp, birjolǵy zeinetaqy tólemine elektrondyq ótinish toltyrýyńyz qajet.
Jeke tabys salyǵyn (JTS) tóleýdi keiinge qaldyrý múmkindigi qoldanylmaǵan jetkiliktilik sheginen asatyn zeinetaqy shotyndaǵy qarajattan JTS shegerilgennen keiingi soma paidalanýǵa qoljetimdi bolady. Sonymen qatar, turǵyndarǵa JTS tóleýdi keiinge qaldyrylýy múmkindigi beriledi. Bul jaǵdaida klient jetkiliktilik sheginen asatyn zeinetaqy jinaqtarynyń barlyq kólemin paidalana alady.
"Otbasy banki" ótinish berýshiniń birjolǵy zeinetaqy tólemin alý týraly ótinishin qaraǵannan keiin 2 (eki) jumys kúni ishinde BJZQ-men jasalǵan kelisimde belgilengen tártippen BJZQ-ǵa tirkelgen ótinimder týraly aqparatty elektrondy habarlama túrinde joldaidy.
BJZQ "Otbasy bankinen" elektrondy habarlama alǵan kúnnen bastap 5 (bes) jumys kúni ishinde birjolǵy zeinetaqy tóleminiń somasyn ótinish berýshiniń arnaiy shotyna aýdarady.
Aqsha arnaiy shotqa túskennen keiin ótinish berýshi 45 (qyryq bes) jumys kúni ishinde "Otbasy bankine" birjolǵy zeinetaqy tólemderiniń maqsatty taǵaiyndalýyn rastaityn qujattardy tapsyrýy tiis.
Belgilengen merzimde birjolǵy zeinetaqy tólemderiniń maqsatty taǵaiyndalýyn rastaityn qujattar usynylmaǵan jaǵdaida, bul qarajat BJZQ-ǵa qaita qaitarylady.
Qarajat jubaiy/zaiyby jáne/nemese jaqyn týystaryna taǵaiyndalǵan jaǵdaida, birjolǵy zeinetaqy tólemderi ótinish berýshiniń arnaiy shotynan alýshynyń arnaiy shotyna rastaý jónindegi qujattar usynylǵan kúnnen bastap 3 (úsh) jumys kúni ishinde aýdarylady.
"Otbasy bank" birjolǵy zeinetaqy tólemderin taǵaiyndaý úshin alýshymen usynǵan qujattardy olar berilgen kúnnen bastap 10 (on) jumys kúni ishinde tekseredi jáne birjolǵy zeinetaqy tólemderin taǵaiyndalýy boiynsha aýdarady.
Qarajat jiti qorǵalatynyn aita ketken mańyzdy. Aqshany ótinish berýshiniń basqa qaryzdyq mindettemeleri boiynsha óndirip alý múmkin emes.
Úlken áleýmettik jaýapkershilikti, halyqtyń úmiti men Qazaqstan Respýblikasynyń Prezidenti Q.K.Toqaev tapsyrmasynyń mańyzdylyǵyn eskere otyryp, "Otbasy Bank", ýákiletti operator retinde, Biryńǵai jinaqtaýshy zeinetaqy qorynan zeinetaqy jinaqtary aýdarylatyn arnaiy aǵymdaǵy shottardy ashý jáne júrgizý, sondai-aq zeinetaqy jinaqtaryn arnaiy aǵymdaǵy shottan arnaiy maqsatqa aýdarýǵa qatysty agenttik qyzmetter kórsetkeni úshin komissiia almaidy.
Birjolǵy zeinetaqy tólemderin paidalana otyryp menshikke tirkelgen jyljymaityn múlikti 5 (bes) jyl boiy satýǵa jol berilmeidi. Erejege tek tómendegi eki jaǵdai ǵana kirmeidi:
1) "Jyljymaityn múlik ipotekasy týraly" Qazaqstan Respýblikasynyń Zańyna sáikes kepil ustaýshynyń kepilge bergen jyljymaityn múlkin ótkizý;
2) Qazaqstan Respýblikasynyń zańnamasynda kózdelgen tártippen sot sheshimi boiynsha jyljymaityn múlikti satý.
Kepil ustaýshynyń kepilge bergen jyljymaityn múlkin satqan jaǵdaida birjolǵy zeinetaqy tóleminiń somasyn kepil ustaýshy ýákiletti operatorda ashylǵan alýshynyń arnaiy shotyna 5 (bes) jumys kúni ishinde qaitarýǵa tiis.
Ýákiletti operator birjolǵy zeinetaqy tóleminiń somasyn ýákiletti operator men BJZQ-nyń ózara is-qimyly týraly tiisti kelisimde belgilengen merzimderde BJZQ-ǵa aýdarady.
Osy tarmaqta kórsetilgen birjolǵy zeinetaqy tólemderin paidalana otyryp menshikke resimdelgen jyljymaityn múlikti ielikten shyǵarý boiynsha tyiym salý 5 jyldan astam óteý merzimi qalǵan jáne olar boiynsha ótelmegen bereshegi bar ipotekalyq turǵyn úi qaryzdaryna ǵana qoldanylady.
Osy tarmaqtyń oryndalýyn baqylaý maqsatynda alýshy jeke kabinette birjolǵy zeinetaqy tólemi aýdarylǵan kúni birjolǵy zeinetaqy tólemi paidalanylǵan jyljymaityn múlikti ótkizýdi shekteý týraly mindettemege qol qoiady, ony ETsQ-men nemese ýákiletti operatordyń ishki qujatynda belgilengen ózge de elektrondyq tásilmen kýálandyrady.
Birjolǵy zeinetaqy tólemderiniń somasy osy Qaǵidalarda kózdelgen maqsattarǵa jetkiliksiz bolǵan kezde menshikti qarajatyn paidalanýǵa jol beriledi.
Birjolǵy zeinetaqy tólemderin alýshynyń jubaiynan (zaiybynan), jaqyn týystarynan jyljymaityn múlik satyp alýǵa paidalanýǵa jol berilmeidi.
"Birjolǵy zeinetaqy tólemderin turǵyn úi jaǵdaiyn jaqsartý jáne (nemese) emdelý aqysyn tóleý maqsattaryna qoldanýdy kózdep otyrǵan BJZQ salymshylary 13 qańtardan bastap "Otbasy bankinde" onlain rejimde aǵymdaǵy arnaiy shot ashyp jatyr. Búgingi kúnniń ózinde Bankte 57 000 astam arnaiy shot ashyldy", dedi "Otbasy Bank" AQ Basqarma tóraiymy Lázzat Ibragimova.
Erejeniń tolyq mátinimen http://zan.gov.kz/client/#!/doc/152361/kaz siltemesi boiynsha tanysýǵa bolady.
