ءبىرجولعى زەينەتاقى تولەمدەرىن دەربەس، يا بولماسا جۇبايى/زايىبى جانە/نەمەسە جاقىن تۋىستارىنان الىنعان زەينەتاقى تولەمدەرىن پايدالانا وتىرىپ، قولدانۋعا بولادى. ەگەر بجزق سالىمشىسى بۇل تولەمدەردى ءوزى قولدانۋدى جوسپارلاماسا، وندا ول ولاردى ءوزىنىڭ جاقىن تۋىسىنا جانە/نەمەسە جۇبايى/زايىبىنا تابىستاي الادى.
ءبىرجولعى زەينەتاقى تولەمدەرىن قازاقستان رەسپۋبليكاسىنىڭ زاڭناماسىنا سايكەس قازاقستان رەسپۋبليكاسىنىڭ اۋماعىندا تۇرعىن ءۇي جاعدايلارىن جاقسارتۋ ءۇشىن مىناداي ماقساتتارعا پايدالانۋعا جول بەرىلەدى:
1. يسلام بانكىنىڭ قارجىلاندىرۋى شەڭبەرىندە تۇرعىن ءۇيدى ساتىپ الۋ، يسلام بانكىنىڭ تۇرعىن ءۇي ساتىپ الۋ جونىندەگى مامىلەنى قارجىلاندىرۋى شەڭبەرىندە بەرەشەكتى ءىشىنارا، تولىق وتەۋ. ءسىز كەز كەلگەن بانكتەن نەمەسە يپوتەكالىق كومپانيادان الىنعان تۇرعىن ءۇيدىڭ نەمەسە بانكتىڭ ءبىر نەسيەلىك كەلىسىمشارتى شەڭبەرىندە جوندەۋ جۇرگىزە وتىرىپ تۇرعىن ءۇي الۋ قارىزدارى بويىنشا بەرەشەگىڭىزدى ءىشىنارا نەمەسە تولىق وتەي الاسىز. سونداي-اق، ءسىز تۇرعىن ءۇي قۇرىلىس جيناق جۇيەسى بويىنشا جەكە تۇرعىن ءۇي نەمەسە جەكە قوسالقى شارۋاشىلىق سالۋ ءۇشىن جەر تەلىمىن الۋدى قوسا العانداعى نەسيەنى تولەي الاسىز.
2. يپوتەكاسىز تۇرعىن ءۇي الۋ (تولىق وتەۋ). ءسىز پاتەر، جەكە ءۇي، جاتاقحانادان بولمە ساتىپ الا الاسىز. تۇرعىن ءۇيدى باستاپقى نەمەسە قايتالاما نارىقتا، سونداي-اق سالىنىپ جاتقان نىسانداردان ق ر زاڭناماسىنا سايكەس، تۇرعىن ءۇي قۇرىلىسىنا ۇلەستىك قاتىسۋ تۋرالى كەپىلدىگى بار، جەكەشەلەندىرۋ، ءبولىپ تولەۋ، ايىرباستاۋ شارتتارى بويىنشا كوپ پاتەرلى تۇرعىن ۇيدەگى ۇلەستى بەرۋ تۋرالى كەلىسىمشارت ارقىلى ساتىپ الۋعا بولادى. وسى ماقساتتا تۇرعىن ءۇيدى زەينەتاقى جيناقتارى ەسەبىنەن دە، زەينەتاقى مەن جەكە قاراجات ەسەبىنەن دە ساتىپ الۋعا بولادى.
3. وتباسى بانكىندە تۇرعىن ءۇي قۇرىلىس جيناق جۇيەسى بويىنشا يپوتەكالىق تۇرعىن ءۇي زايمىن الۋ. ءسىز پاتەر، جەكە ءۇي، جاتاقحانادان بولمە ساتىپ الا الاسىز. تۇرعىن ءۇيدى باستاپقى نەمەسە قايتالاما نارىقتان ساتىپ الۋعا بولادى. سونداي-اق، بانكتىڭ ءبىر نەسيە شارتى شەڭبەرىندە جوندەۋ جۇمىستارىن قوسا ەسەپتەگەندە تۇرعىن ءۇي ساتىپ الۋعا نەمەسە جەكە تۇرعىن ءۇي سالۋعا بولادى (جەكە تۇرعىن ءۇي سالۋ نەمەسە جەكە قوسالقى شارۋاشىلىق سالۋ ماقساتتارىمەن جەر ۋچاسكەسىن قوسا العاندا).
4. يپوتەكالىق نەسيە الۋ ءۇشىن باستاپقى جارنا تولەۋ (ونىڭ ىشىندە يسلام بانكى قارجىلاندىرۋ شەڭبەرىندە). ءسىز پاتەر، جەكە ءۇي، جاتاقحانادان بولمە ساتىپ الا الاسىز. تۇرعىن ءۇيدى باستاپقى نەمەسە قايتالاما نارىقتان الۋعا بولادى. سونداي-اق، بانكتىڭ ءبىر نەسيە شارتى اياسىندا ءسىز جوندەۋ جۇمىستارىن قوسا ەسەپتەگەندە تۇرعىن ءۇي ساتىپ الا الاسىز.
5. تۇرعىن ءۇي قۇرىلىسى باعدارلامالارى مەن داعدارىسقا قارسى باعدارلامالار شەڭبەرىندە بەرىلگەن ساتىپ الۋ قۇقىعىمەن تۇرعىن ءۇيدى ۇزاق مەرزىمدى جالداۋ شارتتارى بويىنشا بەرەشەكتى ءىشىنارا نەمەسە تولىق وتەۋ.
6. جەكە تۇرعىن ءۇي قۇرىلىسى (جەر ۋچاسكەسىن الۋدى قوسا ەسەپتەگەندە). ءسىز زەينەتاقى جيناقتارى ەسەبىنەن نەمەسە زەينەتاقى جيناقتارى جانە ءوز قاراجاتىڭىز ەسەبىنەن جەكە تۇرعىن ءۇي سالۋىڭىزعا بولادى (جەكە تۇرعىن ءۇي سالۋ نەمەسە جەكە قوسالقى شارۋاشىلىق سالۋ ماقساتتارىمەن جەر ۋچاسكەسىن قوسا العاندا).
7. يپوتەكالىق تۇرعىن ءۇي زاەمىن قايتا قارجىلاندىرۋ. باسقا بانكتەردەن تۇرعىن ءۇي ساتىپ الۋعا (جوندەۋ جۇمىستارىن قوسا ەسەپتەگەندە)، جەكە تۇرعىن ءۇي قۇرىلىسىنا (جەر ۋچاسكەسىن قوسا ەسەپتەگەندە) ارنالعان يپوتەكالىق نەسيەلەردى "وتباسى بانكىندە" قايتا قارجىلاندىرۋعا بولادى.
ءوتىنىش بەرمەستەن بۇرىن، قولدانىلۋ مەرزىمى اياقتالماعان، قىزمەت الۋعا جارامدى ەلەكتروندىق سيفرلىق قولتاڭبا (ەسق) بولۋ قاجەت. زەينەتاقى جيناقتارىنىڭ قولجەتىمدى كولەمىن ق ر بجزق پورتالىنان ناقتىلاۋعا بولادى.
تۇرعىن ءۇي جاعدايىن جاقسارتۋعا جانە (نەمەسە) ەمدەلۋ اقىسىن تولەۋگە ارنالعان ءبىرجولعى زەينەتاقى تولەمدەرىن ەرەجەلەردە بەلگىلەنگەن ءار ءتۇرلى ماقساتتارعا شەكتەۋسىز رەت پايدالانۋعا بولادى.
وپەراتوردىڭ ينتەرنەت-رەسۋرسىندا ەسق نەمەسە باسقا ەلەكتروندى قۇرالدار ارقىلى اۆتوريزاسيادان ءوتۋ قاجەت. ءوزىڭىزدىڭ جەكە كابينەتىڭىزدى اشىپ، ارنايى شوتقا ءوتىنىش بەرىڭىز.
ارنايى شوت اشقاننان كەيىن ارنايى شوتتىڭ ءنومىرىن، پايدالانۋ ماقساتىن، قولدا بار سومانى، جەكە تابىس سالىعىن ۇستاۋ جانە اۋدارۋ تاسىلدەرىن كورسەتە وتىرىپ، ءبىرجولعى زەينەتاقى تولەمىنە ەلەكتروندىق ءوتىنىش تولتىرۋىڭىز قاجەت.
جەكە تابىس سالىعىن (جتس) تولەۋدى كەيىنگە قالدىرۋ مۇمكىندىگى قولدانىلماعان جەتكىلىكتىلىك شەگىنەن اساتىن زەينەتاقى شوتىنداعى قاراجاتتان جتس شەگەرىلگەننەن كەيىنگى سوما پايدالانۋعا قولجەتىمدى بولادى. سونىمەن قاتار، تۇرعىندارعا جتس تولەۋدى كەيىنگە قالدىرىلۋى مۇمكىندىگى بەرىلەدى. بۇل جاعدايدا كليەنت جەتكىلىكتىلىك شەگىنەن اساتىن زەينەتاقى جيناقتارىنىڭ بارلىق كولەمىن پايدالانا الادى.
"وتباسى بانكى" ءوتىنىش بەرۋشىنىڭ ءبىرجولعى زەينەتاقى تولەمىن الۋ تۋرالى ءوتىنىشىن قاراعاننان كەيىن 2 (ەكى) جۇمىس كۇنى ىشىندە بجزق-مەن جاسالعان كەلىسىمدە بەلگىلەنگەن تارتىپپەن بجزق-عا تىركەلگەن وتىنىمدەر تۋرالى اقپاراتتى ەلەكتروندى حابارلاما تۇرىندە جولدايدى.
بجزق "وتباسى بانكىنەن" ەلەكتروندى حابارلاما العان كۇننەن باستاپ 5 (بەس) جۇمىس كۇنى ىشىندە ءبىرجولعى زەينەتاقى تولەمىنىڭ سوماسىن ءوتىنىش بەرۋشىنىڭ ارنايى شوتىنا اۋدارادى.
اقشا ارنايى شوتقا تۇسكەننەن كەيىن ءوتىنىش بەرۋشى 45 (قىرىق بەس) جۇمىس كۇنى ىشىندە "وتباسى بانكىنە" ءبىرجولعى زەينەتاقى تولەمدەرىنىڭ ماقساتتى تاعايىندالۋىن راستايتىن قۇجاتتاردى تاپسىرۋى ءتيىس.
بەلگىلەنگەن مەرزىمدە ءبىرجولعى زەينەتاقى تولەمدەرىنىڭ ماقساتتى تاعايىندالۋىن راستايتىن قۇجاتتار ۇسىنىلماعان جاعدايدا، بۇل قاراجات بجزق-عا قايتا قايتارىلادى.
قاراجات جۇبايى/زايىبى جانە/نەمەسە جاقىن تۋىستارىنا تاعايىندالعان جاعدايدا، ءبىرجولعى زەينەتاقى تولەمدەرى ءوتىنىش بەرۋشىنىڭ ارنايى شوتىنان الۋشىنىڭ ارنايى شوتىنا راستاۋ جونىندەگى قۇجاتتار ۇسىنىلعان كۇننەن باستاپ 3 (ءۇش) جۇمىس كۇنى ىشىندە اۋدارىلادى.
"وتباسى بانك" ءبىرجولعى زەينەتاقى تولەمدەرىن تاعايىنداۋ ءۇشىن الۋشىمەن ۇسىنعان قۇجاتتاردى ولار بەرىلگەن كۇننەن باستاپ 10 (ون) جۇمىس كۇنى ىشىندە تەكسەرەدى جانە ءبىرجولعى زەينەتاقى تولەمدەرىن تاعايىندالۋى بويىنشا اۋدارادى.
قاراجات ءجىتى قورعالاتىنىن ايتا كەتكەن ماڭىزدى. اقشانى ءوتىنىش بەرۋشىنىڭ باسقا قارىزدىق مىندەتتەمەلەرى بويىنشا ءوندىرىپ الۋ مۇمكىن ەمەس.
ۇلكەن الەۋمەتتىك جاۋاپكەرشىلىكتى، حالىقتىڭ ءۇمىتى مەن قازاقستان رەسپۋبليكاسىنىڭ پرەزيدەنتى ق.ك.توقايەۆ تاپسىرماسىنىڭ ماڭىزدىلىعىن ەسكەرە وتىرىپ، "وتباسى بانك"، ۋاكىلەتتى وپەراتور رەتىندە، ءبىرىڭعاي جيناقتاۋشى زەينەتاقى قورىنان زەينەتاقى جيناقتارى اۋدارىلاتىن ارنايى اعىمداعى شوتتاردى اشۋ جانە جۇرگىزۋ، سونداي-اق زەينەتاقى جيناقتارىن ارنايى اعىمداعى شوتتان ارنايى ماقساتقا اۋدارۋعا قاتىستى اگەنتتىك قىزمەتتەر كورسەتكەنى ءۇشىن كوميسسيا المايدى.
ءبىرجولعى زەينەتاقى تولەمدەرىن پايدالانا وتىرىپ مەنشىككە تىركەلگەن جىلجىمايتىن مۇلىكتى 5 (بەس) جىل بويى ساتۋعا جول بەرىلمەيدى. ەرەجەگە تەك تومەندەگى ەكى جاعداي عانا كىرمەيدى:
1) "جىلجىمايتىن مۇلىك يپوتەكاسى تۋرالى" قازاقستان رەسپۋبليكاسىنىڭ زاڭىنا سايكەس كەپىل ۇستاۋشىنىڭ كەپىلگە بەرگەن جىلجىمايتىن مۇلكىن وتكىزۋ؛
2) قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن سوت شەشىمى بويىنشا جىلجىمايتىن مۇلىكتى ساتۋ.
كەپىل ۇستاۋشىنىڭ كەپىلگە بەرگەن جىلجىمايتىن مۇلكىن ساتقان جاعدايدا ءبىرجولعى زەينەتاقى تولەمىنىڭ سوماسىن كەپىل ۇستاۋشى ۋاكىلەتتى وپەراتوردا اشىلعان الۋشىنىڭ ارنايى شوتىنا 5 (بەس) جۇمىس كۇنى ىشىندە قايتارۋعا ءتيىس.
ۋاكىلەتتى وپەراتور ءبىرجولعى زەينەتاقى تولەمىنىڭ سوماسىن ۋاكىلەتتى وپەراتور مەن بجزق-نىڭ ءوزارا ءىس-قيمىلى تۋرالى ءتيىستى كەلىسىمدە بەلگىلەنگەن مەرزىمدەردە بجزق-عا اۋدارادى.
وسى تارماقتا كورسەتىلگەن ءبىرجولعى زەينەتاقى تولەمدەرىن پايدالانا وتىرىپ مەنشىككە رەسىمدەلگەن جىلجىمايتىن مۇلىكتى يەلىكتەن شىعارۋ بويىنشا تىيىم سالۋ 5 جىلدان استام وتەۋ مەرزىمى قالعان جانە ولار بويىنشا وتەلمەگەن بەرەشەگى بار يپوتەكالىق تۇرعىن ءۇي قارىزدارىنا عانا قولدانىلادى.
وسى تارماقتىڭ ورىندالۋىن باقىلاۋ ماقساتىندا الۋشى جەكە كابينەتتە ءبىرجولعى زەينەتاقى تولەمى اۋدارىلعان كۇنى ءبىرجولعى زەينەتاقى تولەمى پايدالانىلعان جىلجىمايتىن مۇلىكتى وتكىزۋدى شەكتەۋ تۋرالى مىندەتتەمەگە قول قويادى، ونى ەسق-مەن نەمەسە ۋاكىلەتتى وپەراتوردىڭ ىشكى قۇجاتىندا بەلگىلەنگەن وزگە دە ەلەكتروندىق تاسىلمەن كۋالاندىرادى.
ءبىرجولعى زەينەتاقى تولەمدەرىنىڭ سوماسى وسى قاعيدالاردا كوزدەلگەن ماقساتتارعا جەتكىلىكسىز بولعان كەزدە مەنشىكتى قاراجاتىن پايدالانۋعا جول بەرىلەدى.
ءبىرجولعى زەينەتاقى تولەمدەرىن الۋشىنىڭ جۇبايىنان (زايىبىنان)، جاقىن تۋىستارىنان جىلجىمايتىن مۇلىك ساتىپ الۋعا پايدالانۋعا جول بەرىلمەيدى.
"ءبىرجولعى زەينەتاقى تولەمدەرىن تۇرعىن ءۇي جاعدايىن جاقسارتۋ جانە (نەمەسە) ەمدەلۋ اقىسىن تولەۋ ماقساتتارىنا قولدانۋدى كوزدەپ وتىرعان بجزق سالىمشىلارى 13 قاڭتاردان باستاپ "وتباسى بانكىندە" ونلاين رەجيمدە اعىمداعى ارنايى شوت اشىپ جاتىر. بۇگىنگى كۇننىڭ وزىندە بانكتە 57 000 استام ارنايى شوت اشىلدى"، دەدى "وتباسى بانك" اق باسقارما ءتورايىمى ءلاززات يبراگيموۆا.
ەرەجەنىڭ تولىق ماتىنىمەن http://zan.gov.kz/client/#!/doc/152361/kaz سىلتەمەسى بويىنشا تانىسۋعا بولادى.
