Jeńis ońaılyqpen kelgen joq. Halyqtyń beıbit ómiri úshin ondaǵan myń atalarymyz kóz jumǵany belgili. Jaýqazyndaı jaıqalǵan Álıa men Mánshúk syndy qyzdarymyz erliktiń eren úlgisin kórsetip, qyrshynnan qıyldy. Sondyqtan Uly Jeńis merekesi jer betindegi adamzat balasynyń ultyna, dinine qaramastan ortaq merekesine aınaldy. Sebebi, bul qasterli kún, qan maıdanda tolarsaqtan qan keshken Baýyrjan Momyshuly, Talǵat Bıgeldınov, Rahymjan Qoshqarbaev, Qasym Qaısenov syndy atalarymyzdyń keıingi urpaqqa qaldyrǵan syıy, amanaty dep bilemiz. Erlik eshqashan umytylmaıdy. Aıtýly sharaǵa ǵalym Dosmuhambet Kishibekov, Memlekettik til birlestiginiń tóraǵasy Ǵabdolla Nysanbaev, QazUTÝ-niń qurmetti profesory Seıitqasym Boranqulov, tarıh ǵylymdarynyń doktory, profesor Tileý Kólbaev qatysyp, kókeıde júrgen oılaryn ortaǵa saldy.
Tárbıelik keshti ótkizýdiń maqsaty – stýdentterdi patrıottyq tárbıege baýlý ekenine toqtaldy. Aqjan-Mashanı atyndaǵy Bazalyq bilim berý ınstıtýty dırektorynyń orynbasary Nurǵalym Qadyr ardagerlerdiń erliktegi taǵylymdy tarıhyn atap ótse. Keshtiń qorytyndy sózin QazUTÝ Ǵylymı kitaphana dırektory Qapalhan Baımuhanqyzy sóz alyp, ardagerlerge rızashylyǵyn bildirdi. Ǵylymı kitaphana dırektorynyń orynbasary Aıgúl Isaeva atqarylyp jatqan ıgi sharalar bilim alyp jatqan jas stýdentter múddesi úshin ekenin aıtyp, ardagerlerge oqý ordasynyń eskertkish syıyn usyndy. Budan keıin kesh qonaqtary Uly Jeńistiń 70 jyldyǵyna oraı, Ǵylymı kitaphana qyzmetkerleriniń uıymdastyrýymen, kitap kórmesin tamashalady.
![polıteh.j01](/uploads/images/20240128164704932.jpg)