جەڭىس وڭايلىقپەن كەلگەن جوق. حالىقتىڭ بەيبىت ءومىرى ءۇشىن ونداعان مىڭ اتالارىمىز كوز جۇمعانى بەلگىلى. جاۋقازىنداي جايقالعان ءاليا مەن مانشۇك سىندى قىزدارىمىز ەرلىكتىڭ ەرەن ۇلگىسىن كورسەتىپ، قىرشىننان قيىلدى. سوندىقتان ۇلى جەڭىس مەرەكەسى جەر بەتىندەگى ادامزات بالاسىنىڭ ۇلتىنا، دىنىنە قاراماستان ورتاق مەرەكەسىنە اينالدى. سەبەبى، بۇل قاستەرلى كۇن، قان مايداندا تولارساقتان قان كەشكەن باۋىرجان مومىش ۇلى، تالعات بيگەلدينوۆ، راحىمجان قوشقاربايەۆ، قاسىم قايسەنوۆ سىندى اتالارىمىزدىڭ كەيىنگى ۇرپاققا قالدىرعان سىيى، اماناتى دەپ بىلەمىز. ەرلىك ەشقاشان ۇمىتىلمايدى. ايتۋلى شاراعا عالىم دوسمۇحامبەت كىشىبەكوۆ، مەملەكەتتىك ءتىل بىرلەستىگىنىڭ ءتوراعاسى عابدوللا نىسانبايەۆ، ءقازۇتۋ-نىڭ قۇرمەتتى پروفەسسورى سەيىتقاسىم بورانقۇلوۆ، تاريح عىلىمدارىنىڭ دوكتورى، پروفەسسور تىلەۋ كولبايەۆ قاتىسىپ، كوكەيدە جۇرگەن ويلارىن ورتاعا سالدى.
تاربيەلىك كەشتى وتكىزۋدىڭ ماقساتى – ستۋدەنتتەردى پاتريوتتىق تاربيەگە باۋلۋ ەكەنىنە توقتالدى. اقجان-ماشاني اتىنداعى بازالىق ءبىلىم بەرۋ ينستيتۋتى ديرەكتورىنىڭ ورىنباسارى نۇرعالىم قادىر ارداگەرلەردىڭ ەرلىكتەگى تاعىلىمدى تاريحىن اتاپ وتسە. كەشتىڭ قورىتىندى ءسوزىن قازۇتۋ عىلىمي كىتاپحانا ديرەكتورى قاپالحان بايمۇحان قىزى ءسوز الىپ، ارداگەرلەرگە ريزاشىلىعىن ءبىلدىردى. عىلىمي كىتاپحانا ديرەكتورىنىڭ ورىنباسارى ايگۇل يسايەۆا اتقارىلىپ جاتقان يگى شارالار ءبىلىم الىپ جاتقان جاس ستۋدەنتتەر مۇددەسى ءۇشىن ەكەنىن ايتىپ، ارداگەرلەرگە وقۋ ورداسىنىڭ ەسكەرتكىش سىيىن ۇسىندى. بۇدان كەيىن كەش قوناقتارى ۇلى جەڭىستىڭ 70 جىلدىعىنا وراي، عىلىمي كىتاپحانا قىزمەتكەرلەرىنىڭ ۇيىمداستىرۋىمەن، كىتاپ كورمەسىن تاماشالادى.
