Almaty-2 temirjol vokzalynda saǵat 11:00 men 15:00 aralyǵynda Uly Otan soǵysyndaǵy Jeńistiń 80 jyldyǵyna arnalǵan "Jeńis poiyzy" atty patriottyq shara ótedi,- dep habarlaidy Dalanews.kz
Bul jai ǵana poiyz emes – bul bizdi tarihqa jeteleitin erekshe alań. Sonaý soǵys jyldaryndaǵy maidanger batyrlardy qalai shyǵaryp salyp, qalai qarsy alǵanyn eske túsirýge múmkindik beredi. Bul shara ardagerlerdi, oqýshylardy, kadetterdi, qoǵam belsendilerin jáne el erligin júreginde saqtaǵan barlyq azamatty biriktiredi.
Merekelik baǵdarlamada:
- Soǵys jyldaryndaǵy ánder oryndalady;
- Oqýshylar maidannan jazylǵan hattardy oqidy;
- Akterler men eriktiler soǵys jyldaryndaǵy shynaiy oqiǵalardy sahnalaidy;
- Sol jyldardyń atmosferasyn jetkizetin horeografiialyq qoiylym usynylady.
Sondai-aq, soǵys kezeńiniń atribýtikasy qoiylǵan fotozonalar, maidandyq hat jazýǵa arnalǵan sheberlik saǵaty men ardagerler men qonaqtarǵa arnalǵan maidandyq botqa taratylady.
Shara sońynda barlyq qatysýshy birigip "Jeńis kúni" ánin oryndaidy.
