الماتى-2 تەمىرجول ۆوكزالىندا ساعات 11:00 مەن 15:00 ارالىعىندا ۇلى وتان سوعىسىنداعى جەڭىستىڭ 80 جىلدىعىنا ارنالعان "جەڭىس پويىزى" اتتى پاتريوتتىق شارا وتەدى،- دەپ حابارلايدى Dalanews.kz
بۇل جاي عانا پويىز ەمەس – بۇل ءبىزدى تاريحقا جەتەلەيتىن ەرەكشە الاڭ. سوناۋ سوعىس جىلدارىنداعى مايدانگەر باتىرلاردى قالاي شىعارىپ سالىپ، قالاي قارسى العانىن ەسكە تۇسىرۋگە مۇمكىندىك بەرەدى. بۇل شارا ارداگەرلەردى، وقۋشىلاردى، كادەتتەردى، قوعام بەلسەندىلەرىن جانە ەل ەرلىگىن جۇرەگىندە ساقتاعان بارلىق ازاماتتى بىرىكتىرەدى.
مەرەكەلىك باعدارلامادا:
- سوعىس جىلدارىنداعى اندەر ورىندالادى؛
- وقۋشىلار مايداننان جازىلعان حاتتاردى وقيدى؛
- اكتەرلەر مەن ەرىكتىلەر سوعىس جىلدارىنداعى شىنايى وقيعالاردى ساحنالايدى؛
- سول جىلداردىڭ اتموسفەراسىن جەتكىزەتىن حورەوگرافيالىق قويىلىم ۇسىنىلادى.
سونداي-اق، سوعىس كەزەڭىنىڭ اتريبۋتيكاسى قويىلعان فوتوزونالار، مايداندىق حات جازۋعا ارنالعان شەبەرلىك ساعاتى مەن ارداگەرلەر مەن قوناقتارعا ارنالعان مايداندىق بوتقا تاراتىلادى.
شارا سوڭىندا بارلىق قاتىسۋشى بىرىگىپ "جەڭىس كۇنى" ءانىن ورىندايدى.
