«Otbasy bankiniń» jeńildetilgen baǵdarlamalarynyń kóktemgi iske qosylýy dástúrli túrde jyljymaityn múlik naryǵyn jandandyrady. Alaida qurylys quny ósip jatqan jaǵdaida qatań baǵa limitteri naryqta teńgerimsizdik týǵyzady, dep habarlaidy Dalanews.kz.
Qazaq Expert Club qurylys salasynyń sarapshysy Diliara Seiitnurova óziniń Telegram -arnasynda qurylys kompaniialary jobalardy bir sharshy metrine 350–400 myń teńge sheginde syidyrýǵa májbúr, al naqty shyǵyndar bul mejeden áldeqaida joǵary ekenin jazdy.
Diliaranyń aitýynsha: «Marjinaldylyqty 10–15% deńgeiinde saqtaý úshin developerler eń aldymen sapaǵa ketetin shyǵyndardy qysqartady. Árbir baǵdarlama iske qosylǵan saiyn ekonom jáne komfort-klass (III–IV sanattar) segmentinde suranys kúrt ósedi. Sonymen qatar shyǵyndar da artady: qurylys-montaj jumystary men materialdar baǵasynyń indeksi jyl saiyn turaqty ósim kórsetip keledi. Al memlekettik baǵdarlamalardaǵy turǵyn úi qunynyń limitteri keshigip indeksteledi».
Nátijesinde qurylys kompaniiasy belgilengen baǵa shegi men qubylmaly ózindik qunnyń arasynda qalady. Jobany qoljetimdi turǵyn úi pýlynda saqtaý úshin olar «qun injiniringine» júginedi, bul is júzinde arzandatýdy bildiredi.
«Ońtailandyrý ǵimarattyń negizgi elementterine áser etedi. Uzaq merzimdi jeldetiletin qasbetterdiń ornyna kóbine penopolistirol negizindegi “dymqyl qasbet” qoldanylady, keramogranit eń tómengi ruqsat etilgen qalyńdyqta tańdalady. Injenerlik jeliler arzanyraq balamalarmen jabdyqtalady, bul 3–5 jyl paidalanǵannan keiin apattyq jaǵdailar qaýpin arttyrady. Lift jabdyqtary biýdjettik modelderge aýystyrylady, dybys oqshaýlaý normativterdiń tómengi sheginde (Rw shamamen 52 dB) oryndalady, al ortaq paidalanylatyn oryndardyń árleýi men abattandyrylýy jeńildetiledi», – deidi Diliara.
Sarapshynyń pikirinshe, jeńildetilgen baǵdarlamalar naryqtyń negizgi draiveri bolyp qala beredi, alaida olardyń qazirgi arhitektýrasy sapaly orta qurýǵa emes, limit shegindegi «sharshy metrlerdi» kóbeitýge yntalandyrady.
«Múmkin sheshimderdiń biri – baǵa shekterin qurylys materialdarynyń resmi indeksine bailanystyra otyryp, dinamikalyq indeksatsiiaǵa kóshý. Sondai-aq tek suranysty ǵana emes, jobalyq qarjylandyrýdy da mindetti tehnikalyq aýditpen birge sýbsidiialaý mańyzdy. Eger tásil ózgermese, 10–15 jyldan keiin naryq moraldyq jáne fizikalyq turǵydan eskirgen turǵyn úi qorynyń ulǵaiýymen betpe-bet kelýi múmkin, al ony jańǵyrtý shyǵyndary menshik ieleri men biýdjetke túsedi», – dep túiindedi Diliara.
